Ռուսաստանը մեկ տարվա ընթացքում ավելի քան մեկ երրորդով կրճատել է Վրաստանից գինու ներմուծումը, հայտնում է «ՌԻԱ Նովոստին»։
Ռուսական լրատվամիջոցների հաշվարկներով՝ հիմնված Վրաստանի վիճակագրական ծառայության տվյալների վրա, մայիսին Ռուսաստանը ներմուծել էր շուրջ 10,9 միլիոն դոլարի վրացական գինի՝ նախորդ տարվա նույն ամսվա 17,2 միլիոն դոլարի դիմաց։ Սա կազմում է մոտ 35,9% անկում տարեկան հաշվարկով։
Չնայած ներմուծման նվազմանը՝ Ռուսաստանը շարունակում է մնալ Վրաստանի գինու ամենախոշոր գնորդը։ Երկրորդ տեղում է Լեհաստանը՝ մոտ 1,6 միլիոն դոլարով։
Մայիսի վերջից և հունիսի սկզբից «Ռոսսելխոզնադզորն» արգելել էր Հայաստանից ծաղիկների, մրգերի, բանջարեղենի և չրերի ներմուծումն ու տարանցումը ՌԴ, ինչպես նաև պահանջել էր կասեցնել ձկնամթերքի և ձկան անասնաբուժական սերտիֆիկատների ձևակերպումը և հայտնել անորակ ալկոհոլային արտադրանքի հայտնաբերման մասին։ Սահմանափակումները կգործեն մինչև հայկական կողմը մշակի անվտանգության ապահովման համապատասխան ընթացակարգ։
Հայաստանի իշխանությունները հունիսի սկզբին հայտարարել էին այլ ուղղություններով արտահանման հնարավորությունների և ՌԴ սահմանից վերադարձած ապրանիքի սուբսիդավորման մասին։ Ավելի ուշ ՀՀ-ից 11 000 ծաղիկ էր արտահանվել Լիտվա, 5500 ծաղիկ՝ Լատվիա։ Հունիսի 16-ին ԶԼՄ-ները գրել էին, որ ՀՀ-ից 9500 ծաղիկ էր արտահանվել նաև Ուկրաինա։ Նշենք, որ հայկական խմիչքի, սննդամթերքի և ծաղիկների արտահանման գրեթե ամբողջ ծավալը՝ 84%-ից մինչև 98%, բաժին էր ընկնում ռուսական շուկային։
Երևանից հայտարարել էին, որ իրենց նպատակը Ռուսաստանից արտահանումը դեպի եվրոպական ուղղություն տեղափոխելը չէ։
Կարդացեք նաև
Ծաղիկները սպասում են ընտրություններին
