Փաստաբան Ռոբերտ Ամստերդամը, մեկնաբանելով «Տաշիր» ընկերությունների խմբի նախագահ Սամվել Կարապետյանի գործը, տեղի ունեցողն անվանել է «բեմադրված դատավարություն» և իրավիճակ, որը չի համապատասխանում 21-րդ դարին: Ըստ Ամստերդամի՝ սա «ամոթալի» օր է Հայաստանի համար:
«Սա 21-րդ դարը, արհեստական բանականության դարաշրջանը դիմավորելու ձև չէ: Սա վերադարձ է Ստալինին, բեմադրված դատավարություններին», - ասել է ամերիկացի փաստաբանը:
Նա հավելել է, որ «կառավարությունը հարձակվում է եկեղեցու, Հիսուս Քրիստոսի և անմեղ մարդու վրա»: Փաստաբանի համոզմամբ, որ «սա բեմադրված դատավարություն է, որը որևէ կապ չունի Կարապետյանի գործունեության հետ»:
«Այն բացառապես ուղղված է գործող իշխանությունների քաղաքական խնդիրների լուծմանը՝ եկեղեցու և Կարապետյանի շուրջ ճգնաժամ ստեղծելով: Ինչո՞ւ հարձակվել Քրիստոսի հետևորդների վրա այն երկրում, որտեղ բնակչության 93%-ը եկեղեցու հետևորդներ են»,- նշել է Ամստերդամը:
Նա նաև վստահություն ունի Կարապետյանի փաստաբանների հանդեպ և հույս է հայտնել, որ ինքը կկարողանա միանալ պաշտպանության թիմին՝ ընդգծելով, որ այս հարցի մերժման պատճառը «բացարձակապես անիմաստ է»։
Իրավապահները հունիսի 17-ին խուզարկություններ էին անցկացրել Կարապետյանի տանը՝ Հայ Առաքելական եկեղեցու և հոգևորականների նկատմամբ իշխանությունների հարձակումների ֆոնին եկեղեցուն աջակցելուց հետո։ Հունիսի 18-ից Կարապետյանը երկու ամսով կալանավորվել էր, նրան մեղադրում են իշխանությունը զավթելու կոչեր անելու համար: Կարապետյանը մեղադրանքը չի ընդունում։
Օգոստոսին Կարապետյանի պաշտպանական թիմին է միացել Ամերիկացի փաստաբան Ամստերդամը, որն իր վստահորդի կալանքը ժողովրդավարության սկզբունքներին և իրավունքի միջազգային նորմերին դեմ քաղաքական որոշում է անվանել։
Կարդացեք նաև՝
«Պայքար՝ մեր ձևով». Երևանում հավաք ու երթ է անցկացվել՝ ի աջակցություն Սամվել Կարապետյանի
Ինչո՞ւ են Սամվել Կարապետյանին կալանավորել. եկեղեցի, քաղաքականություն, ներդրումային ռիսկեր
«Չուլանացված» եկեղեցիներից մինչև կաթողիկոսի փոփոխության կոչ․ ի՞նչ օրակարգ է փորձում պարտադրել Փաշինյանը
Սամվել Կարապետյանի ձերբակալությունը քաղաքական ակտ է ու ոչ մի կապ չունի ժողովրդավարության հետ. Ամստերդամ
