ՖԻՖԱ-ն թարմացրել է ազգային հավաքականների վարկանիշային աղյուսակը, ըստ որի Հայաստանի ազգային հավաքականը նահանջել է 2 հորիզոնականով և 1196․08 միավորով 106-րդն է, տեղեկացնում է Հայաստանի ֆուտբոլի ֆեդերացիան։
Դասակարգման աղյուսակի առաջատարն Իսպանիայի ընտրանին է՝ վաստակած 1877․18 միավորով։ Լավագույն եռյակում են Արգենտինան և Ֆրանսիան՝ համապատասխանաբար 1873․33 և 1870 միավորով։
Տասնյակում ընդգրկվել են նաև Անգլիայի, Բրազիլիայի, Պորտուգալիայի, Նիդերլանդների, Բելգիայի, Գերմանիայի և Խորվաթիայի հավաքականները։
Սեպտեմբերի 6-ին աշխարհի 2026թ․ առաջնության որակավորման փուլի մեկնարկային տուրում Հայաստանի հավաքականը Երևանում խոշոր՝ 0։5 հաշվով պարտվել էր Պորտուգալիայի ընտրանուն։ Սեպտեմբերի 9-ին որակավորման փուլի 2-րդ տուրի խաղում 2։1 հաշվով հաղթել էր Իռլանդիային։ Հոկտեմբերի 11-ին Հայաստանի հավաքականը 3-րդ տուրում 0։2 հաշվով պարտվել էր Հունգարիային, հոկտեմբերի 15-ին՝ զիջել Իռլանդիային։
Նոյեմբերի 13-ին Հայաստանի հավաքականը 0։1 հաշվով պարտվել էր Հունգարիային։ Նոյեմբերի 16-ին Հայաստանի ընտրանին վերջին՝ 6-րդ տուրում 1:9 հաշվով զիջել էր Պորտուգալիային։
