Արցախի Հանրապետության նախագահի պաշտոնակատար Աշոտ Դանիելյանի հրամանագրով՝ գեներալ-լեյտենանտ Կարեն Շաքարյանի՝ «Արցախի հերոս» բարձրագույն կոչումը հետ է կանչվել։
Հունվարի 9-ին ստորագրված ՆՀ-1-Ա հրամանագիրը հիմնված է «ԱՀ պետական պարգևների և պատվավոր կոչումների մասին» օրենքի 40-րդ հոդվածի 4-րդ մասի վրա։
Որոշումն ուժի մեջ է մտնում ստորագրման պահից, ինչը ենթադրում է բարձրագույն տիտղոսի և դրան ուղեկցող «Ոսկե արծիվ» շքանշանի պաշտոնական հետկանչ։
Ըստ «Ազգային ճակատի» տեղեկությունների՝ Շաքարյանը հունվարի 6-ին մասնակցել էր ՀՀ վարչապետ Նիկոլ Փաշինյանի կողմից կազմակերպված երթին, որն իրականացվել էր Հայ Առաքելական եկեղեցու բարեփոխումների մասին վարչապետի հայտարարությունից հետո՝ նպատակ ունենալով հասնել Ամենայն Հայոց կաթողիկոս Գարեգին Երկրորդի հրաժարականին։
