Խոշտանգումների կանխարգելման եվրոպական կոմիտեն այցելել է Ադրբեջան, և չենք բացառում, որ մեկանգամյա այցելություն տեղի ունեցած լինի որոշ հայ գերիների, Բաքվում պահվող հայ գերիների և պատանդների իրավունքների թեմայով քննարկման ժամանակ հայտարարել է իրավապաշտպան Սիրանուշ Սահակյանը։
Նա նշել է, որ այս պահին մանրամասներ հայտնելուց զերծ կմնա, սակայն առաջիկայում հայտարարությամբ հանդես կգա։
Իրավապաշտպանի խոսքով՝ Կարմիր խաչի միջազգային կազմակերպությունն իր վերջին այցելությունը կարողացել է իրականացնել հունիս ամսին, իսկ դրա՝ ադրբեջանական գրասենյակի փակումից հետո հայկական կողմի ստացած ցանկացած տեղեկատվություն «հատվածական է և ոչ ստուգելի»։
Սահակյանը վերահաստատել է երկկողմանի ճանաչված 23 գերիների մասին տեղեկությունը և նշել, որ բռնի անհետացած ևս մի քանի տասնյակ գերի կա, որոնց մասին Ադրբեջանը հանձնառություն չի վերցնում։ Ըստ նրա՝ նշվում է 80 այդպիսի մարդու մասին, սակայն չի նա բացառել, որ թիվը կարող է լինել ավելին։
«23 գերիների մեջ է Արցախի ռազմաքաղաքական ղեկավարությունը՝ 8 անձ, և 5 գերի, որոնք գերեվարվել էին 2020 թվականին»,- շեշտել է իրավապաշտպանը։
Ադրբեջանում, պաշտոնական տվյալներով, 23 հայ գերի կա։ Հունվարի 17-ին սկսվել էին Արցախի ռազմաքաղաքական առաջնորդների դատավարությունները: Նրանք մեղադրվում են 2548 դրվագով։
Armenia Today-ի հարցմանն ի պատասխան՝ 2024-ին ՀՀ քննչական կոմիտեից հայտնել էին, որ 2020-ի 44-օրյա պատերազմի հետևանքով անհայտ է 195 անձի գտնվելու վայրը, որոնց թվում 20 քաղաքացիական անձ և 175 զինծառայող կա։
Կարդացեք նաև՝
«Մեզ խաբել են»․ անհետ կորածների ծնողները հանդիպման պահանջով փակել են ՊՆ-ի մուտքը
