Կենտրոնական ընտրական հանձնաժողովն ամփոփել է ընտրատարածքային ընտրական հանձնաժողովների իրականացրած վերահաշվարկի արդյունքները
Նշվում է, որ վերահաշվարկվել են 637 ընտրական տեղամասերի քվեարկության արդյունքներ:
Ըստ վերահաշվարկի՝ «Ուժեղ Հայաստան» դաշինքի 340 088 քվեն ավելացել է 508-ով, «Բարգավաճ Հայաստան» կուսակցության 58 378 քվեն ավելացել է 147-ով, «Քաղաքացիական պայմանագիր» կուսակցության 727 820 քվեն ավելացել է 1148-ով, «Հայաստան» դաշինքի 145 113 քվեն ավելացել է 217-ով։
Նոր տվյալներով՝ Ռեֆորմիստների կուսակցության 1456 քվեն նվազել է 11-ով «Բոլորին դեմ եմ» ժողովրդավարական կուսակցության 21 477 քվեն նվազել է 244-ով, Հայաստանի շնորհապետական կուսակցության 30 807 քվեն նվազել է 117-ով, «Նոր ուժ» ռեֆորմիստական կուսակցության 25 624 քվեն նվազել է 21-ով, «Միասնության թևեր» կուսակցության 33 644 քվեն նվազել է 56-ով, «Ազգային ժողովրդավարական բևեռ» համահայկական կուսակցության 5485 քվեն ավելացել է 5-ով, Քոչարի ազգային վերածնունդ և ազգի զարթոնք կուսակցության 1984 ձայնն ավելացել է 1-ով, Հայ ազգային կոնգրես կուսակցության 3206-ը՝ նվազել է 47-ով, «Հանրապետություն» կուսակցության 15 835 քվեն ավելացել է 8-ով, Քրիստոնեա-ժողովրդավարական կուսակցության 2679 քվեն մնացել է անփոփոխ, «Ժողովրդավարական համախմբում» կուսակցության 5284 քվեն նվազել է 14-ով, «Դեմոկրատիա օրենք կարգապահություն» կուսակցության 26 567 քվեն նվազել է 819-ով, Հանուն հանրապետության ժողովրդավարության պաշտպանների դաշինք» կուսակցության 6750 քվեն ավելացել է 18-ով, «Լուսավոր Հայաստան» կուսակցության 7258 քվեն ավելացել է 55-ով։
Անճշտությունների գումարային չափը 1279-ից ավելացել է 230-ով: Անվավեր քվեաթերթիկների թիվը 17 097-ից նվազել է 859-ով:
Հունիսի 7-ին ՀՀ-ում անցկացվել էին Ազգային ժողովի ընտրություններ, որին մասնակցել էր 18 քաղաքական ուժ՝ 16 կուսակցություն և 2 դաշինք։ ԿԸՀ նախնական տվյալներով՝ 2 503 976 ընտրողից մասնակցել էր 1 477 736-ը (58,94%)։ Նախնական տվյալներով՝ անցողիկ շեմը հաղթահարել էր քաղաքական երեք ուժ՝ «Քաղաքացիական պայմանագիրը» (49,825%), «Ուժեղ Հայաստան» դաշինքը (23,281%) և «Հայաստան» դաշինքը (9,934%)։
«Բարգավաճ Հայաստան» կուսակցությունը, որը նախնական արդյունքով չի հաղթահարել անցողիկ 4%-ի շեմը, վերահաշվարկ էր պահանջել։ Շուրջ 50 ընտրատեղամասում վերահաշվարկի դիմում էր ներկայացրել նաև «Ուժեղ Հայաստանը»։ «Հայաստան» դաշինքը վերջնական արդյունքների հրապարակումից հետո կդիմի Սահմանադրական դատարան։ «Ուժեղ Հայաստանն» ավելի ուշ՝ հունիսի 12-ին, ընտրությունների արդյունքներն անվավեր ճանաչելու դիմում էր ներկայացրել ԿԸՀ, պահանջել նաև վերաքվեարկություն՝ 2 տեղամասերում։
Ընտրությունների վերջնական արդյունքը կհրապարակվի հունիսի 14-ին՝ ինքնաշխատ եղանակով վերահաշվարկներից հետո։
Կարդացեք նաև՝
Ի՞նչ խախտումներ են արձանագրվել ընտրատեղամասերում
