Ադրբեջանը ոչնչացրել է Արցախի Քաշաթաղի շրջանի Այգեկ (Յուսիֆբեյլի) գյուղի շիական մզկիթը, հայտնել են Հայկական ճարտարապետությունն ուսումնասիրող հիմնադրամից։
Ըստ հիմնադրամի՝ այդ մասին են փաստում վերջերս հրապարակված արբանյակային պատկերները, որոնցում երևում է, որ Ադրբեջանի իշխանություններն Արցախի հայկական եկեղեցիների հետ մեկտեղ ոչնչացնում են նաև շիական մզկիթները:
Նշվում է, որ Այգեկ գյուղի մզկիթը շուրջ 30 տարի պահպանվել է Արցախի հայկական ուժերի կողմից, իսկ չանցած ընդամենը մի քանի տարի՝ ոչնչացվում է Ադրբեջանի կողմից Խուդաֆերին-Ղուբադլը-Լաչըն մայրուղու կառուցման ժամանակ:
Կից՝ լուսանկարները, որոնք վկայում են մզկիթի ոչնչացման մասին։
Մզկիթը 2009 թվականին
1890-ի շինարարական արձանագրությունը
Մզկիթը տիեզերքից մինչև ոչնչացումը (2021թ.)
Մզկիթը ոչնչացումից հետո
Ադրբեջանը 2023 թվականի սեպտեմբերից հողին էր հավասարեցրել Արցախի չորս գյուղ ու ոչնչացրել մի քանի տասնյակ մշակութային հուշարձաններ, որոնց թվում են ավելի քան 10 եկեղեցի, մոտ 50 հուշահամալիր, քանդակներ ու խաչքարեր։ Օկուպանտները ոչնչացրել էին նաև Շուշիի շրջանի Քարին Տակ գյուղը, ինչպես նաև Հադրութի շրջանի Մոխրենես, Մարիամաձոր և Ցամաքձոր գյուղերը։
Կարդացեք նաև՝
Ադրբեջանը մեկուկես տարում ոչնչացրել է Արցախի 50-ից ավելի մշակութային հուշարձան. ժամանակագրություն
