ԱՄՆ-ն հաստատել է Թայվանին F-16, C-130 և այլ տիպի ինքնաթիռների համար պահեստամասերի 330 միլիոն դոլար արժողությամբ վաճառքը, հաղորդում է Reuters-ը՝ հղում անելով Պենտագոնին։
Սա նմանատիպ առաջին գործարքն է Դոնալդ Թրամփի նախագահ դառնալուց ի վեր։ Ըստ Պենտագոնի՝ այս մատակարարումը կբարձրացնի Թայվանի ռազմաօդային ուժերի մարտունակությունը և սպառնալիքներին արձագանքելու դրանց ունակությունը։
Կղզու նախագահի աշխատակազմից հայտնել են, որ շնորհակալ են ԱՄՆ-ին՝ զինաթափման կանոնավոր մատակարարումները շարունակելու համար։ Թայվանի պաշտպանության նախարարությունը ճշտել է, որ մատակարարումները պետք է ուժի մեջ մտնեն մեկ ամսվա ընթացքում։ Ըստ գերատեսչության՝ պահեստամասերը կօգնեն պահպանել կործանիչների պատրաստականությունը, կուժեղացնեն հակաօդային պաշտպանությունը և կբարձրացնեն «մոխրագույն գոտում» արձագանքելու կարողությունները՝ նկատի ունենալով Չինաստանի ուժերի կանոնավոր մուտքերը կղզու շուրջ գտնվող ջրեր և օդային տարածք։
Գործարքի մասին հայտարարությունը հնչում է Թրամփի և Չինաստանի նախագահ Սի Ծինփինի հանդիպումից անմիջապես հետո՝ Հարավային Կորեայում, որտեղ առաջնորդները փորձում էին զարգացնել առևտրային բանակցությունները։ Թայվանում մտավախություն կար, որ ԱՄՆ-ն կարող է նահանջել իր աջակցության դիրքերից Չինաստանի հետ երկխոսության ֆոնին, սակայն նոր մատակարարումը վկայում է, որ Վաշինգտոնը շարունակում է իր նախկին գիծը։
