Ադրբեջանի նախագահ Իլհամ Ալիևը հայտարարել է, որ Ռուսաստանը նախկինում երեք հարված է հասցրել Կիևում գտնվող Ադրբեջանի դեսպանատանը, հայտնում են ադրբեջանական լրատվամիջոցները։
Մյունխենի անվտանգության համաժողովում կազմակերպված քննարկման ժամանակ Ալիևը հայտարարել է, որ առաջին հարվածից հետո Բաքուն Ռուսաստանին է տրամադրել իր դիվանագիտական առաքելությունների կոորդինատները, սակայն «չնայած դրան, հաջորդել են ևս երկու հարվածներ»։ Ալիևը սա որակել է որպես «նպատակային հարձակում» Ադրբեջանի դիվանագիտական առաքելությունների վրա, ինչը Բաքուն ընկալում է որպես «որ բարեկամական քայլ»։
Մյունխեն կատարած այցի ընթացքում Ալիևը հանդիպել է նաև Ուկրաինայի նախագահ Վլադիմիր Զելենսկու հետ։ Կողմերը քննարկել են համագործակցության ընդլայնումը, այդ թվում՝ էներգետիկ ոլորտում։ Հանդիպման ընթացքում Զելենսկին երախտագիտություն է հայտնել Ադրբեջանի կողմից Ուկրաինային տրամադրված մարդասիրական օգնության համար։
2025 թվականի նոյեմբերին Ադրբեջանի արտաքին գործերի նախարարությունը հայտարարել էր, որ կանչել է Բաքվում Ռուսաստանի դեսպան Միխայիլ Եվդոկիմովին՝ Կիևում Ադրբեջանի դեսպանատան տարածքում ռուսական հրթիռի վթարի կապակցությամբ։ Դեսպանին հանձնվել էր նոտա, «արտահայտվել էր խիստ բողոք»։ ՌԴ ԱԳՆ-ն ափսոսանք էր հայտնել Կիևում Ադրբեջանի դեսպանատան շենքին հասցված վնասի համար։
