Իսպանիայի վարչապետ Պեդրո Սանչեսը հայտարարել է եռօրյա ազգային սուգ՝ արագընթաց գնացքների վթարի զոհերի հիշատակին: Վթարի հետևանքով զոհվել է առնվազն 40 մարդ, հայտնում է BBC-ն:
Սանչեսը նաև խոստացել է պարզել, թե ինչո՞ւ են Իսպանիայի հարավում բախվել երկու արագընթաց գնացքները: Ավելի քան 120 մարդ վիրավորվել է: Վթարն ամենախոշորն է երկրում վերջին ավելի քան մեկ տասնամյակի ընթացքում։
Երկաթուղային ցանցի օպերատոր Adif-ը հայտնել է, որ բախումը տեղի է ունեցել մոտ մեկ ժամ անց այն պահից, երբ գնացքներից մեկը Մալագայից շարժվել է դեպի հյուսիս՝ Մադրիդ։ Այն դուրս է եկել ռելսերից Կորդոբա քաղաքի մոտ գտնվող ուղիղ հատվածում։
Տրանսպորտի նախարար Օսկար Պուենտեի խոսքով՝ բախման ուժգնությունը երկրորդ գնացքի վագոնները շպրտել է դեպի հողաշերտ։ Նա հավելել է, որ զոհվածների և վիրավորների մեծ մասը գտնվել է երկրորդ գնացքի առաջատար վագոններում, որը շարժվում էր հարավ՝ Մադրիդից դեպի Ուելվա։
