Սառեցված ռուսական ակտիվների օգտագործման հարցը հանվել է դեկտեմբերի 18-19-ը Բրյուսելում կայանալիք ԵՄ գագաթնաժողովի օրակարգից, հայտնել է Հունգարիայի վարչապետ Վիկտոր Օրբանը։
«Մենք հաղթեցինք, քանի որ Եվրոպական հանձնաժողովի նախագահ Ուրսուլա ֆոն դեր Լայենն այսօր առավոտյան հայտարարել է, որ հանձնաժողովը հետ է կանգնել որոշումից, և որ այն չի քննարկվի»,- հայտարարել է նա։
444.hu պորտալը նշում է, որ դեռևս հստակ ինֆոևմացիա չկա, թե ինչ է ասել Օրբանը։ Ինչպես նշում է հրատարակությունը, ֆոն դեր Լայենը չի հայտարարել, որ ռուսական ակտիվների օգտագործման հարցը հանվել է օրակարգից։ Եվրոպական հանձնաժողովի ղեկավարը դեկտեմբերի 17-ին հայտարարել է, որ ԵՄ-ն առաջիկա օրերին պետք է որոշի՝ ֆինանսավորե՞լ Ուկրաինային համատեղ պարտքի, թե՞ ռուսական ակտիվների միջոցով։
Միևնույն ժամանակ, Politico-ն, հղում անելով դիվանագիտական աղբյուրներին, հաղորդում է, որ Ուկրաինայի ֆինանսավորման շուրջ բանակցային գործընթացը «հակառակ ուղղությամբ է գնացել» ԵՄ առաջնորդների հանդիպումից մեկ օր առաջ։
Լրագրողների հետ զրույցում Օրբանը ԵՄ երկրների կողմից Կիևին ֆինանսավորելու համար համատեղ վարկ վերցնելու գաղափարն անընդունելի է անվանել Հունգարիայի համար և խոստացել է կանխել նման որոշումը։ Նա ընդգծել է, որ համատեղ վարկ վերցնելը պահանջում է միաձայն հաստատում, սակայն Բրյուսելը վերջերս խախտել է համապատասխան կանոնակարգերը։ Խոսքը վերաբերում է ռուսական ակտիվների անժամկետ սառեցմանը, որը նախկինում պետք է երկարաձգվեր յուրաքանչյուր վեց ամիսը մեկ՝ ԵՄ բոլոր երկրների համաձայնությամբ՝ օգտագործելով Եվրահանձնաժողովի արտակարգ լիազորությունները, որոնք թույլ են տալիս որոշումներ կայացնել պարզ մեծամասնությամբ։
Ռուսաստանն իր ակտիվների հնարավոր օգտագործումը համեմատում է գողության հետ։ Կենտրոնական բանկը դատական հայց է ներկայացրել բելգիական Euroclear դեպոզիտարիայի դեմ, որտեղ պահվում է սառեցված ռուսական ակտիվների մեծ մասը։ Կարգավորող մարմինը Մոսկվայի արբիտրաժային դատարան դիմելու համար որպես պատճառ նշել է դեպոզիտարիայի անօրինական գործողություններից կրած վնասները և Եվրոպական հանձնաժողովի՝ ռուսական ակտիվներն օգտագործելու ծրագրերը: ՌԲԿ-ի աղբյուրների համաձայն՝ պահանջի գումարը գերազանցում է 18 տրիլիոն ռուբլին։
