Ռուսաստանը ներկայացնող հայազգի գեղասահորդուհի Ադելիա Պետրոսյանը 6-րդ տեղն է գրավել Իտալիայում ընթացող ձմեռային Օլիմպիական խաղերի կանանց մենասահքում, հայտնում է ՏԱՍՍ-ը։
Կարճ և ազատ ծրագրերի հանրագումարում Պետրոսյանը հավաքել է 214,53 միավոր: Ազատ ծրագրում նա սխալ է թույլ տվել, սակայն մաքուր կատարել է կասկադներ և մի շարք եռակի ցատկեր:
Գեղասահորդուհին ելույթն անվանել է օլիմպիական լուրջ փորձ և հույս հայտնել, որ կմասնակցի 2030 թվականի խաղերին: Նրա խոսքով՝ ի սկզբանե պլանավորված էր ավելի բարդ կոնտենտ, սակայն «ամեն ինչ ըստ պլանի չի ընթացել», այդ թվում՝ անկումից հետո: Վնասվածքների մասին հարցերը նա առաջարկել է ուղղել մարզիչներին՝ նշելով, որ ապաքինվել է Բայկալ ուղևորությունից հետո:
Մրցույթի հաղթող է դարձել ամերիկուհի Ալիսա Լյուն, երկրորդ տեղն զբաղեցրել է ճապոնուհի Կաորի Սակամոտոն, երրորդը՝ նրա հայրենակից Ամի Նակային:
Պետրոսյանը 18 տարեկան է, նա Ռուսաստանի եռակի չեմպիոն է և Ռուսաստանի Գրան պրիի եզրափակչի հաղթող: Օլիմպիական խաղերը կավարտվեն փետրվարի 22-ին: Փետրվարի 18-ին Պետրոսյանը կարճ ծրագրի արդյունքում գրավել էր 5-րդ տեղը՝ հավաքելով 72,89 միավոր:
Հայաստանը ներկայացնող մարզիկներն ավարտել են մրցելույթներն ձմեռային Օլիմպիական խաղերում։
Դիտեք նաև՝
Հայաստանի օլիմպիական ստուգակետը ցենզուրայից մինչև 14 րդ հորիզոնական
