9-ամյա Վարդանը դարձել է ամենաերիտասարդ հայ լեռնագնացը, որին հաջողվել է բարձրանալ Արարատ լեռան գագաթ, հայտնել է «4 Գագաթ» մանկապատանեկան լեռնային ակումբը։
Ակումբից հայտնել են, որ ամենաերիտասարդ հայ ալպինիստի կոչմանը տղան արժանացել է օգոստոսի 1-ին։
Նա Արարատ լեռ է բարձրացել հուլիսի 29-ից մինչև օգոստոսի 1-ը, ինչն իրականացվել է 29 հոգուց բաղկացած խմբով (20 երեխա և պատանի, 7 ծնող և 2 ուղեկցող անձ)։
Արարատ լեռը մեծ և խորհրդանշական նշանակություն ունի հայ ժողովրդի համար. այն սուրբ լեռ է համարվում։ Շատ հայեր այն համարում են իրենց հայրենիքի մի մասը՝ անկախ նրանից, որ այն 1921 թվականի Կարսի պայմանագրով փոխանցվել է Թուրքիային։
