Դուք երեխայի՞ եք սպասում: Դա, անկասկած, ձեր կյանքի ամենազգայուն և արտասովոր շրջաններից մեկն է: Ավելի լավ է օրորոցի և մանկասայլակի ընտրությունը վստահեք ինքներդ ձեզ և ձեր սիրելիներին, բայց մենք անպայման կօգնենք ձեզ նորաոճ և հարմարավետ զգեստապահարան կազմելու հարցում։
Եղեք ճկուն
Նորաձևության նախկին տնօրեն Շիլպա Պրաբհակար Նադելան ասում է, որ հղիության մեծ մասն անցկացրել է նույն հարմարավետ տաբատով, ավելի ճիշտ՝ նույն մոդելի կիպ լեգինսների մի քանի զույգով, որոնք չեն սեղմում ստամոքսը: «Քանի որ դրանք սև էին, հեշտությամբ կարելի էր հագնել գեղեցիկ վերնաշապիկի հետ կամ համադրել մեծ չափսերով կարդիգանի հետ»: Աղջիկը խոստովանում է, որ դեռևս կրում է իր սիրելի սև լեգինսները. ավելի ունիվերսալ բան չես կարող գտնել:
Ուսումնասիրեք արխիվները
«Դուք կզարմանաք, թե որքան իրեր կարող եք հագնել հղիության ընթացքում», - ասում է Allure-ի գլխավոր խմբագիր Միշել Լին: Իսկապես, ձեր սվիտերներից, վերնաշապիկներից և զգեստներից շատերը կարող են նոր ձևով փայլել, և նույնիսկ գծավոր սվիտերը հանկարծ դադարում է գեր ցույց տալ, ընդհակառակը, ընդգծում է նոր հրաշալի ձևը: Ուստի հիմա ժամանակն է վերադառնալու այն հագուստին, որը երկար ժամանակ չէիք կրում, հավանաբար հիմա նրա հերթն է։
«Ես հագել էի 1980-ականների ոճի բաճկոն՝ թևերը ծալած՝ ցույց տալով դաստակներս, որոնք որոշ ժամանակ անց դարձան մարմնիս միակ մասը, որը չփոխվեցին», - պատմում է Միշելը:
Ուշադիր նայեք ձեր «տոպերին»՝ օվերսայզ շապիկները, ջեմփերն ու օվերսայզ բաճկոնները կդառնան ձեր լավագույն ընկերները, քանի որ թույլ կտան ստեղծել հարմարավետ, բայց միևնույն ժամանակ ոճային տեսք։ Ի դեպ, նորաձևության շատ կանայք հղիության ժամանակ հատուկ կրում են կիպ տրիկոտաժե զգեստներ։ Մեծ չափսերով վերնաշապիկի կամ տղամարդու բաճկոնի հետ համադրելով՝ դրանք հետաքրքիր և ներդաշնակ տեսք ունեն։
Հագուստը հեռանկարային է
Ամերիկյան The Cut-ի գլխավոր խմբագիր Ստելլա Բեգբին զգուշացնում է. մեծ սխալ կլինի երեխայի ծնվելուց անմիջապես հետո անմիջապես հեռացնել ձեր բոլոր «հղիի» իրերը: Մարմինը համամասնություններով անմիջապես չի փոխվի, բացի այդ, որոշ ժամանակ պարզապես ամբողջական հարմարավետության կարիք կզգացվի: Հետևաբար, այդ նույն սև լեգինսները, ջինսերը հղիների համար, հարմարավետ տրիկոտաժե ազատ սվիտերները շատ օգտակար են: Եվ սա ևս մեկ պատճառ է խելացի և սիրով հավաքելու ձեր նոր բազան․ այն կօգտագործեք երեխայի ծնվելուց հետո առնվազն մի քանի ամիս, իսկ հետո, հավանաբար, լավ ոճ կկիրառեք այլ կերպարների համար:
