Սեպտեմբերի 13-ից հետո գերեվարվածների թիվը 17 է: Բայց մենք ունենք տվյալներ, որ այլ անձինք ևս գերեվարվել են, սակայն Ադրբեջանը չի հաստատում, ինչի պատճառները կփորձենք հասկանալ:
«Ազատության» եթերում Facebook-յան ասուլիսի ժամանակ այս մասին հայտարարել է ՄԻԵԴ-ում հայ ռազմագերիների ներկայացուցիչ Սիրանուշ Սահակյանը։
Նա հայտնել է, որ հոկտեմբերի 2-ի տարածված տեսանյութում չորս գնդակահարվածները գերիների շարքում չեն եղել, նրանք փնտրվել են որպես անհետ կորածներ:
«Նույն այդ տեսանյութը վկայում է, որ գերեվարվածների թիվն ավելի մեծ է եղել, քան երկու տասնյակը, սակայն նրանք գնդակահարվել են ու գերու կարգավիճակ չեն ստացել: Մենք չենք բացառում, որ անհետ կորածների մեծ մասը գերեվարվածներ են, բայց այդ հագամանքը կարող ենք հստակեցնել, երբ յուրաքանչյուր կոնկրետ դեպք իր հանգամանքներով կարողանանք դուրս բերել:
Մենք չունենք տվյալներ, թե քանի անձ է, ընդհանուր առմամբ, հայրենադարձվել:
«Ավելի քան 150 անձ է հայրենադարձվել»,-ասաց նա:
Հիշեցնենք, որ ավելի վաղ ՀՀ պաշտպանության նախարարությունը հայտնել էր, որ սեպտեմբերի 13-ի կեսգիշերից ադրբեջանական զինուժը հրետանու և անօդաչու թռչող սարքերի կիրառմամբ գնդակոծում է Գորիսի, Սոթքի և Ջերմուկի ուղղությամբ տեղակայված հայկական դիրքերը: Ըստ ՀՀ ԱԽ հայտարարության՝ ագրեսիայի հետևանքով զոհվածների և անհետ կորածների թիվը հասնում է 207-ի, այդ թվում՝ զոհվել է քաղաքացիական 3 անձ, 2 քաղաքացիական անձի գտնվելու վայրը համարվում է անհայտ, վիրավորվել է 293 զինծառայող, 3 քաղաքացիական անձ, գերեվարվել է 20 զինծառայող:
Հիշեցնենք, որ ավելի վաղ ՀՀ պաշտպանության նախարարությունը հայտնել էր, որ սեպտեմբերի 13-ի կեսգիշերից ադրբեջանական զինուժը հրետանու և անօդաչու թռչող սարքերի կիրառմամբ գնդակոծում է Գորիսի, Սոթքի և Ջերմուկի ուղղությամբ տեղակայված հայկական դիրքերը: Ըստ ՀՀ ԱԽ հայտարարության՝ ագրեսիայի հետևանքով զոհվածների և անհետ կորածների թիվը հասնում է 207-ի, այդ թվում՝ զոհվել է քաղաքացիական 3 անձ, 2 քաղաքացիական անձի գտնվելու վայրը համարվում է անհայտ, վիրավորվել է 293 զինծառայող, 3 քաղաքացիական անձ, գերեվարվել է 20 զինծառայող:
