Ստրասբուրգում՝ Եվրոպական խորհրդարանի վարչական շենքի հարակից տարածքում, ՀՀ վարչապետ Նիկոլ Փաշինյանի և Եվրոպական խորհրդարանի նախագահ Ռոբերտա Մեցոլայի ներկայությամբ բացվել է Հայոց այբուբենի հուշարձանը, հայտնում է կառավարության մամուլի ծառայությունը։
Քանդակը բաղկացած է Հայոց այբուբենի տառերից: «Արմատագիր-երկխոսության ուժը» խորագրով արձանը տեղադրվել է Հայաստանի կողմից ի նշան երախտագիտության՝ Եվրոպական խորհրդարանի շարունակական և անվերապահ աջակցության համար։
Մեցոլան նշել է, որ Հայոց այբուբենի պատկերմամբ հայերենն իր տեղն է ամրապնդում այն հարուստ և բազմազան երկխոսության մեջ, որը կոչվում է Եվրոպա։ Նա նաև մեջբերել հայ բանաստեղծ Սիլվա Կապուտիկյանին. «Ուր էլ լինես, այս լուսնի տակ ուր էլ գնաս, քո մայր լեզուն չմոռանաս»:
Փաշինյանը խորհրդանշական է համարել այն փաստը, որ քանդակը կընդգծի կարևոր կապը հայկական և եվրոպական ինքնության միջև։
