եպտեմբերի 3-7-ը Արագածոտնի, Կոտայքի, Վայոց ձորի նախալեռներում, Արարատյան դաշտում, Սյունիքի հովիտներում և Երևանում սպասվում է բարձր կարգի հրդեհավտանգ իրավիճակ, հայտնում են ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ-ից։
Երևան քաղաքում սեպտեմբերի 3-7-ը սպասվում է առանց տեղումների եղանակ։
Հանրապետության տարածքում սեպտեմբերի 7-ին կեսօրից հետո, 3-ին գիշերը և կեսօրից հետո, 4-ի գիշերն առանձին շրջաններում սպասվում է կարճատև անձրև և ամպրոպ, 3-ին առանձին հատվածներում հնարավոր է կարկուտ։ Սեպտեմբերի 4-ի ցերեկը, 5-6-ին սպասվում է առանց տեղումների եղանակ։
Քամին՝ հարավարևմտյան 2-4 մ/վրկ, ամպրոպի ժամանակ սպասվում է քամու ուժգնացում 17-20 մ/վրկ արագությամբ։ Օդի ջերմաստիճանը սեպտեմբերի 3-ին՝ Լոռիում, Տավուշում, Սյունիքում և Լեռնային Ղարաբաղում կնվազի 3-5 աստիճանով։
Արցախի Հանրապետությունում այսօր ցերեկն սպասվում է +27-ից +31 աստիճան, սեպտեմբերի 4-ին ջերմաստիճանը կհասնի +32-ի, իսկ սեպտեմբերի 5-ին՝ +38-ի։ Սեպտեմբերի 7-ին ջերմաստիճանը կնվազի․ ցերեկային ժամերին կանխատեսվում է +31 աստիճան տաքություն։
