Թուրքական լիրան արագորեն արժեզրկվում է, վկայում են միջազգային ֆինանսական տվյալների մատակարար Barchart-ի կողմից հրապարակված երկարաժամկետ գրաֆիկական տվյալները։
Ըստ գրաֆիկների՝ վերջին 15 տարվա ընթացքում արժույթը 2010 թվականի արժեքի համեմատ 97%-ով անկում է ապրել։
Գրաֆիկում դիտարկվող անկման միտումն սկսվել էր 2011 թվականին և մեծացել 2018 թվականի արժութային ճգնաժամի հետ։ Չնայած ցածր տոկոսադրույքների քաղաքականությանը և 2021 թվականից հետո ներդրված արտարժույթի ավանդների պաշտպանության ծրագրին՝ թուրքական լիրայի արժեզրկումը շարունակվել է։
Անկումն արագացել էր 2023 թվականից հետո, ինչը ցույց է տալիս, որ մինչև 2025 թվականը թուրքական լիրան կարժեզրկվի գրեթե 97%-ով։
Տնտեսագետներն այս փլուզման հիմնական պատճառներ են նշում բարձր գնաճը, բացասական փաստացի տոկոսադրույքները և դրամավարկային քաղաքականության նկատմամբ անվստահությունը։ Արտաքին պարտքի բեռը և արտարժույթի պահուստների սպառումը նույնպես մեծացրել են ճնշումը թուրքական լիրայի վրա։
Մասնագետները կարծում են, որ թուրքական լիրայի կայունությունը վերականգնելու համար անհրաժեշտ են կառուցվածքային բարեփոխումներ, այդ թվում՝ անկախ դրամավարկային քաղաքականության իրականացումը։
Freecurrencyrates.com կայքի տվյալներով՝ 2010 թվականին թուրքական լիրայի փոխարժեքն ԱՄՆ դոլարի նկատմամբ տատանվել է 1,40-ից մինչև 1,60-ի: 2025 թվականի նոյեմբերին մեկ լիրայի արժեքը կկազմի 0,024 դոլար:
