Ապրիլի 10-12-ը «Խաղաղության կամուրջ» նախաձեռնության շրջանակներում Ադրբեջանում կկայանա Հայաստանի հետ համատեղ քաղաքացիական հասարակության ներկայացուցիչների հետ երկկողմանի կլոր սեղան, որին մասնակցելու նպատակով ՀՀ-ից մեկնել է 20 պատվիրակ։
Ըստ հրապարակման՝ այս անգամ հայկական պատվիրակությունն Ադրբեջան է ժամանել ցամաքային սահմանով, հատել է սահմանազատված և սահմանագծված հատվածը և ավարտել սահմանային և անձնագրային վերահսկողության բոլոր համապատասխան ընթացակարգերը։
Հանդիպման օրակարգում ներառված են խաղաղության գործընթացի ներկա վիճակի, «Խաղաղության կամուրջ» նախաձեռնության մասնակիցների իրենց երկրներում գործունեության և նրանց նվաճումների, ինչպես նաև տարածաշրջանում ստեղծված իրավիճակի քննարկումները։
Առանձին նիստեր կնվիրվեն հասարակական մակարդակում խաղաղության խթանմանը և խաղաղության գործընթացի հաջորդ փուլերում վստահության ամրապնդմանը։
Հայկական կողմից մասնակիցներն են՝
1. Արեգ Քոչինյան – Հայկական խորհրդի նախագահ, համակարգող։
2. Բորիս Նավասարդյան – Երևանի մամուլի ակումբի պատվավոր նախագահ։
3. Նաիրա Սուլթանյան – Ժողովրդավարության զարգացման հիմնադրամի տնօրեն։
4. Նարեկ Մինասյան – Հայկական խորհրդի ասոցացված փորձագետ։
5. Սամվել Մելիքսեթյան – Հայկական խորհրդի փորձագետ։
6. Ստեփան Գրիգորյան – Գլոբալիզացիայի և տարածաշրջանային համագործակցության վերլուծական կենտրոնի խորհրդի նախագահ։
7. Էդգար Վարդանյան – Հայկական խորհրդի ասոցացված փորձագետ։
8. Ռոբերտ Ղևոնդյան – փորձագետ, Հայկական խորհուրդ։
9. Լուսինե Խառատյան – գրող և մշակութային մարդաբան։
10. Նելլի Մինասյան – պատմական գիտությունների դոկտոր, դոցենտ, թուրքագետ։
11. Դավիթ Ստեփանյան – քաղաքական մեկնաբան, 1in.am, փորձագետ, Միջազգային անվտանգության և հարաբերությունների հայկական ինստիտուտ։
12. Ռուբեն Բաբայան – գեղարվեստական ղեկավար, Երևանի տիկնիկային թատրոն։
13. Էլեոնորա Սարգսյան – խաղաղության և գենդերային հարցերի փորձագետ, երիտասարդական աշխատանքի մասնագետ։
14. Նաիրա Մարտիկյան – խմբագիր, տնօրեն, JAMnews (Հայաստան)։
15. Վազգեն Կարապետյան – Եվրասիական գործընկերության հիմնադրամի փոխտնօրեն։
16. Տաթև Դանիելյան – քաղաքական ծրագրերի գլխավոր խմբագիր, հաղորդավար, Հայաստանի հանրային հեռուստատեսություն։
17. Արմեն Պետրոսյան – տարածաշրջանային քաղաքականության փորձագետ, Օրբելի կենտրոն։
18. Ալեն Ամիրխանյան – Հակոբյան բնապահպանական կենտրոնի (ՀԵԿ) տնօրեն։
19. Նելլի Ռաֆայելյան – լրագրող, Մեդիա նախաձեռնությունների կենտրոն։
20. օպերատոր, Հայաստանի հանրային հեռուստատեսություն։
Քաղաքացիական հասարակության ներկայացուցիչների միջև երկխոսությունը տեղի է ունենում Ադրբեջանի, Հայաստանի և ԱՄՆ առաջնորդների եռակողմ գագաթնաժողովում 2025 թվականի օգոստոսի 8-ին Վաշինգտոնում կայացած համաձայնեցված երկկողմանի խաղաղության օրակարգի շրջանակներում։
2025 թվականի հոկտեմբերի 22-ին Երևանում կայացել էր Հայաստանի և Ադրբեջանի քաղաքացիական հասարակության ներկայացուցիչների մասնակցությամբ երկկողմ կլոր-սեղան քննարկումը:
Փետրվարի 13-14-ին Ծաղկաձորում տեղի էին ունեցել երկու երկրի քաղաքացիական հասարակության, փորձագիտական համայնքի և լրատվամիջոցների ներկայացուցիչների համաժողովի քննարկումներ։
