ՀՀ վարչապետ Նիկոլ Փաշինյանը դժգոհություն է հայտնել մարզպետների աշխատանքից, գրել է «Իրավունք» թերթը՝ հղում անելով իր աղբյուրներին։
«Մարզ չկա, որ մարզպետից բողոք չլինի, կարող է գիտե՞ք, թե ձեր ամբիցիաներով պետք է մարզ ղեկավարեք»,- ըստ թերթի՝ ասել է Փաշինյանը բոլոր մարզպետներին։
Նա նշել է, որ եթե չբարձրացնեն արդյունավետությունը, ապա նրանց կփոխարինի կին մարզպետներով։
«Այնպես չանեք՝ կին մարզպետներ նշանակեմ, որ խելքներդ գլուխներդ գա»,- ասել է նա:
Կառավարության նոյեմբերի 21-ի նիստում Փաշինյանը դժոհել էր կառավարության անդամների, մասնավորապես, մարզպետների աշխատանքից։ Դեկտեմբերի 12-ի կառավարության նիստում Շիրակի նախկին մարզպետ Մուշեղ Մուրադյանը հայտնել էր հրաժարականի դիմում ներկայացնելու մասին։ ՔՊ պատգամավոր Դավիթ Առուշանյանը կառավարության որոշմամբ նշանակվել էր Շիրակի մարզպետ։
