Խորհրդարական ընտրություններին նախկին նախագահ Սերժ Սարգսյանի Հայաստանի Հանրապետական կուսակցությունը (ՀՀԿ-ն) չի մասնակցի, բայց ակտիվորեն կփորձի խանգարել այլ ընդդիմադիր ուժերին, գրել է «Հրապարակը»։
Պարբերականի փոխանցմամբ՝ մինչ ՀՀԿ-ն չի հաստատում Ազգային ժողովի ընտրություններին մասնակցությունը, կուսակցական գործիչները գործողումների են մեկնում։ ՀՀԿ փոխնախագահ Արմեն Աշոտյանն ու «Պատիվ ունեմ» խմբակցության պատգամավոր Հայկ Մամիջանյանը Բրյուսելում են, ՀՀԿ ԳՄ անդամ Էդուարդ Շարմազանովը, «Պատիվ ունեմ»-ի մեկ այլ պատգամավոր՝ Տիգրան Աբրահամյանն ու կուսակցական ակտիվիստ Հենրիխ Դանիելյանն էլ՝ Մոսկվայում։
ՀՀԿ համագումարը նախատեսված է ապրիլի 4-ին, երբ, թերթի փոխանցմամբ, վերջնականապես կտրվի ընտրություններին նրանց մասնակցության հարցի պատասխանը։
«Պատիվ ունեմ» դաշինքը՝ ԱԱԾ նախկին տնօրեն Արթուր Վանեցյանի գլխավորությամբ և ՀՀԿ-ի հետ միասին, չէր հաղթահարել դաշինքների համար սահմանված 7%-անոց անցողիկ շեմը 2021-ին կայացած ընտրություններում, սակայն խորհրդարանում ներկայացված է վեց պատգամավորով, քանի որ օրենքով ԱԺ-ում պարտադիր պետք է ներկայացված լինի առնվազն երեք քաղաքական ուժ՝ անկախ նրանից՝ երրորդ ուժը հաղթահարե՞լ է ընտրական շեմը, թե՞ ոչ։
Խորհրդարանական ընտրություններին մասնակցելու հայտ են ներկայացրել մեկ տասնյակից ավելի քաղաքական ուժեր։ Ըստ Armenia Today-ի հոկտեմբերի հարցումների՝ քաղաքացիների 21%-ը կքվեարկի «Քաղաքացիական պայմանագիր» կուսակցության օգտին, իսկ 10,7%-ը՝ «Ուժեղ Հայաստանի»:
