«Մեր ձևով» շարժման համակարգող Նարեկ Կարապետյանը հայտարարել է, որ Հայ Առաքելական եկեղեցու շուրջ ստեղծված ճգնաժամը պետք է լուծվի բացառապես կանոնական կարգի շրջանակներում, հայտարարել է նա Էջմիածնում լրագրողներին։
Կարապետյանը կարծում է, որ վարչապետը փորձում է միջազգային հանրությանը ցույց տալ, որ եկեղեցու հետ հակամարտություն չկա, մինչդեռ ներքին կյանքում իրավիճակը զարգանում է հակառակ ուղղությամբ։
«Այս քայլով Նիկոլ Փաշինյանը (ՀՀ վարչապետ-խմբ․) ցանկանում է աշխարհին ցույց տալ, որ չի պայքարում եկեղեցու դեմ, բայց նրանք, ովքեր ապրում են Հայաստանում, շատ լավ գիտեն, որ նա պայքարում է եկեղեցու անկախության դեմ»,- հայտարարել է Կարապետյանը։
«Մեր ձևով» շարժման համակարգողը վստահություն է հայտնել, որ եկեղեցու դեմ պայքարում Փաշինյանին միացած եպիսկոպոսները դա արել են ճնշման և սպառնալիքների ներքո։
«Ես նրանցից մի քանիսին ճանաչում եմ, նրանք իրենց անձնական կարծիքն ունեն Փաշինյանի հանդեպ, ոչ դրական կարծիք»,- ընդգծել է նա։
Կարապետյանը հավելել է, որ ներկայիս իրադարձությունները խորացնում են սոցիալական պառակտումը և մտահոգություն է հայտնել իշխանությունների կողմից հոգևորականությանը գրավելու հնարավոր փորձերի վերաբերյալ։
Նա կարծում է, որ սա կարող է հանգեցնել եկեղեցու ներսում պառակտման, որը, նրա խոսքով, մնում է Հայաստանի ազգային միասնության վերջին հենասյուներից մեկը։ Նա նշել է, որ իր միակ մտահոգությունն այն է, որ իշխանությունները, օգտագործելով կոմպրոմատներ կամ այլ մեթոդներ, կփորձեն գրավել հոգևորականներին, ինչը կհանգեցնի եկեղեցու պառակտմանը։ Կարապետյանը հավելել է, որ եկեղեցին մնում է մեր ազգային միասնության վերջին հենասյուներից մեկը։
Եկեղեցու 10 եպիսկոպոս, ովքեր նոյեմբերի 29-ին Փաշինյանի հետ հանդիպումից հետո կոչ էին արել Ամենայն Հայոց կաթողիկոս Գարեգին Երկրորդին հրաժարական ներկայացնել, դեկտեմբերի 17-ին հանդես էին եկել նոր հայտարարությամբ: Նրանք կոչ էին արել միանալ իրենց դեկտեմբերի 18-ին Էջմիածնում և պահանջել Գարեգին Երկրորդի հրաժարականը:
Այս հայտարարությունից հետո մեկ այլ հայտարարությամբ էր հանդես եկել Արագածոտնի թեմը և հայտնել, որ դեկտեմբերի 18-ին՝ ժամը 19:00-ին, թեմի Բյուրականի Սուրբ Հովհաննես եկեղեցում նախատեսված միասնական ժամերգությունը կտեղափոխվի և տեղի կունենա Մայր Աթոռ Սուրբ Էջմիածնում նույն օրը՝ ժամը 17:00-ին:
Արագածոտնի թեմի հայտարարությունից հետո մի շարք քաղաքացիներ, քաղաքական գործիչներ ևս հայտնել են, որ լինելու են Էջմիածնում:
