Հայաստանի ֆուտբոլի ազգային հավաքականը հաղթեց Լատվիայի ընտրանուն 2:1 հաշվով, հայտնում է ՀՖՖ-ն։
«Հունիսի 19-ին Երևանում կայացավ ՈՒԵՖԱ Եվրոպայի 2024 թվականի առաջնության որակավորման խմբային փուլի Հայաստան-Լատվիա հանդիպումը: Մեր ընտրանին հաղթեց մրցակցին 2:1 հաշվով»,- ասված է հաղորդագրության մեջ:
Հայաստանի հավաքականի կազմում գոլերի հեղինակներ են դարձել Նաիր Թիկնիզյանը և Տիգրան Բարսեղյանը։ Մեր ընտրանին 3 խաղից հետո վաստակել է 6 միավոր։
Հայաստանի հավաքականը հունիսի 16-ին «Քարդիֆ Սիթի» մարզադաշտում ՈւԵՖԱ-ի Եվրո-2024-ի ընտրական խաղում հաղթել էր Ուելսին: Հայաստանի հավաքականի կազմում դուբլերի հեղինակ էին դարձել Հրանտ-Լեոն Ռանոսը և Լուկաս Սելարայանը: Հունիսի 18-ին կայացած ասուլիսի ժամանակ Հայաստանի ազգային հավաքականի հարձակվող Հրանտ-Լեոն Ռանոսը նշել էր, որ Լատվիայի դեմ խաղը բարդ է լինելու, քանի որ բավականին ուժեղ թիմ է։
