«Գաֆէսճեան» քանդակների պարտեզում տեղի կունենա «Իմ ձեռագործ Հայաստան» 3-րդ փառատոնը, հայտնել է ԿԳՄՍՆ-ն։
Ըստ հրապարակման՝ այն տեղի կունենա սեպտեմբերի 13-14-ը՝ ժամը 12:00-19:00-ն:
Ձեռարվեստի և արհեստների փառատոնին կմասնակցեն ոչ միայն հայ, այլև վրացի վարպետներ՝ ներկայացնելով իրենց մշակութային արտադրանքը՝ մշակութային երկխոսության նոր հարթակ ստեղծելով երկու երկրների ժողովուրդների ոչ նյութական մշակութային ժառանգության պահպանության, փոխհարստացման և տարածման համար, ասված է հրապարակման մեջ։
Նշվում է նաև, որ փառատոնի ընթացքում տեղի կունենա հայկական և վրացական ազգային տարազների ցուցադրություն:
«Փառատոնի նպատակն է ապահովել ոչ նյութական մշակութային ժառանգության ոլորտի միջմշակութային համագործակցությունը, նպաստել ստեղծագործող վարպետների գործունեությանը, ինչպես նաև արհեստների և արվեստների արժևորմանն ու տարածմանը»,- հավելել են ԿԳՄՍ նախարարությունից:
Միջոցառումը կիրականանա ԿԳՄՍՆ-ի ֆինանսական աջակցությամբ և «Արհեստագործների միություն» մշակութային հիմնադրամի նախաձեռնությամբ։
