Իսրայելը հայտարարել է, որ 11 շաբաթ տևած շրջափակումից հետո թույլ է տվել մարդասիրական օգնություն տեղափոխող ՄԱԿ-ի հինգ բեռնատարի մուտքը Գազայի հատված, հայտնում է BBC-ն:
ՄԱԿ-ի մարդասիրական հարցերով ղեկավարը ողջունել է այս քայլը, սակայն ընդգծել է, որ դա ընդամենը «մի կաթիլ է օվկիանոսում»՝ համեմատած պատերազմի ենթարկված այս տարածքում բնակվող 2,1 միլիոն պաղեստինցիների հրատապ կարիքների հետ։
Միջազգային փորձագետները տևական ժամանակ է՝ զգուշացնում են սովի վտանգի մասին։
Իսրայելի վարչապետ Բենիամին Նեթանյահուն հայտարարել է, որ որոշումը՝ ժամանակավորապես թույլ տալ նվազագույն քանակի սննդի մուտքը, կայացվել է ԱՄՆ Սենատի դաշնակիցների ճնշման արդյունքում։ Նա հավելել է, որ սննդամթերքի մատակարարումները կշարունակվեն այնքան ժամանակ, մինչև Իսրայելի զինված ուժերն ու մասնավոր ընկերություններն ստեղծեն օգնության բաշխման կենտրոններ՝ ըստ ԱՄՆ-ի աջակցած ծրագրի, որը ՄԱԿ-ը մերժել է։
Հունվարի 15-ին Իսրայելը և ՀԱՄԱՍ-ը փուլային համաձայնության էին եկել Գազայի հատվածում պատերազմը դադարեցնելու վերաբերյալ: Մարտի 18-ի լույս 19-ի գիշերը, սակայն, Իսրայելը վերսկսել էր հարվածները Գազայում։
