Բանգլադեշում տեղի ունեցած ջրհեղեղը, որը պատուհասել էր երկրի յոթ շրջաններ, խլել է առնվազն 51 մարդու կյանք, ևս 39-ը տուժել են, հայտնել է Business Standard պարբերականը:
«Երկրի հարավ-արևելյան և հյուսիս-արևելյան շրջանների յոթ գավառներում ջրհեղեղների հետ կապված իրավիճակը վատթարացել է անդադար տեղացող տեղատարափ անձրևների, գետերի վերին հոսանքներում ջրի մակարդակի բարձրացման և սողանքների պատճառով, ինչի հետևանքով արդեն իսկ զոհվել է 51 մարդ»,- ասվում է հրապարակման մեջ:
Ըստ հաղորդման՝ ևս 39 մարդ տուժել է ջրհեղեղների կամ դրանց հետևանքով առաջացած պատահարների պատճառով։
Ընդհանուր առմամբ, տարերքի մոլեգնումն ազդել է Բանգլադեշի ավելի քան մեկ միլիոն բնակչի վրա, գրում է պարբերականը։
Prothomalo պորտալի հաղորդմամբ՝ ջրհեղեղների պատճառ դարձած հորդառատ անձրևները սկսվել են հուլիսի 4-ին Բանգլադեշի հարավ-արևելքում գտնվող Չատոգրամ (Chattogram) մարզում։ Հետագայում ջրհեղեղները տարածվել են նաև երկրամասի հարևան շրջաններում։
