ԱՄՆ-ի, Իսրայելի և Լիբանանի ներկայացուցիչները պետքարտուղար Մարկո Ռուբիոյի ներկայությամբ Վաշինգտոնում ստորագրել են հակամարտության կարգավորման եռակողմ շրջանակային համաձայնագիր, հայտնում է Reuters-ը։
Փաստաթղթի ստորագրումը տեղի է ունեցել Իսրայելի և Լիբանանի միջև Վաշինգտոնում չորսօրյա բանակցություններից հետո։ Այս հանդիպումը նշանավորել է երկու երկրների միջև դիվանագիտական շփումների հինգերորդ փուլը՝ Միացյալ Նահանգների միջնորդությամբ։
Շվեյցարիայում հունիսի 21-ին ավարտվել էր ԱՄՆ-ի և Իրանի միջև բանակցությունների առաջին փուլը, որը հիմնականում կրել էր տեխնիկական բնույթ։ Կողմերը, ըստ տեղեկությունների, համաձայնության էին եկել Լիբանանում Իսրայելի և Իրանի կողմից աջակցվող «Հեզբոլլահ» շարժման միջև ռազմական գործողությունները դադարեցնելու մեխանիզմի շուրջ։ Իսրայելի վարչապետ Բենիամին Նեթանյահուն հայտարարել էր, որ իսրայելական ուժերը կմնան Լիբանանի հարավում այնքան ժամանակ, որքան անհրաժեշտ կլինի Իսրայելի ժողովրդին պաշտպանելու համար։ ԱՄՆ-ի հովանու ներքո լիբանանա-իսրայելական բանակցությունների հինգերորդ փուլն ընթացել էր Վաշինգտոնում հունիսի 23-25-ը:
