Մերձավոր Արևելքի պատերազմի ժամանակ Սաուդյան Արաբիան բազմաթիվ հարվածներ է հասցրել Իրանին, հայտնում է Reuters-ը՝ հղում անելով աղբյուրներին։
Անանուն արևմտյան պաշտոնյաների տեղեկություններով՝ Սաուդյան Արաբիայի ռազմաօդային ուժերի հարվածներն Իրանի դեմ իրականացվել են մարտի վերջին՝ ի պատասխան թագավորության վրա Իրանի հարձակումների։ Գործակալությունը նշում է, որ Սաուդյան Արաբիայի այս գործողությունների մասին նախկինում չէր հաղորդվել։
Ռիադը փորձել է կանխել հակամարտության սրացումը և կանոնավոր կապ է պահպանել Իրանի հետ։ Աղբյուրների համաձայն՝ Սաուդյան Արաբիան տեղեկացրել է Իրանին հարվածների մասին, որին հաջորդել են ինտենսիվ դիվանագիտական միջամտությունները և Ռիադի կողմից պատասխան գործողությունների սպառնալիքները, ինչը հանգեցրել է երկու երկրների միջև լարվածության թուլացման համաձայնագրի։
The Wall Street Journal-ը նախկինում հայտնել էր, որ Արաբական Միացյալ Էմիրությունները նույնպես ռազմական հարվածներ են հասցրել Իրանին Մերձավոր Արևելքի հակամարտության ժամանակ։
Ապրիլի վերջին լրատվամիջոցները հայտնել էին, որ Իսրայելն Իրանի դեմ պատերազմի սկզբում ԱՄԷ էր ուղարկել հակահրթիռային պաշտպանության համակարգ անձնակազմով։
