Բռնցքամարտի Հայաստանի պատանեկան հավաքականը Երևանում ընթացող բռնցքամարտի աշխարհի երիտասարդական առաջնությունում գրավել է թիմային 2-րդ տեղը, հայտնում է ՀՀ բռնցքամարտի ֆեդերացիան։
«Բռնցքամարտի Հայաստանի պատանեկան հավաքականը 4 ոսկե, 5 արծաթե և 1 բրոնզե մեդալով աշխարհի առաջնությունն ավարտում է թիմային 2-րդ տեղով, ինչը բացառիկ արդյունք է հայկական բռնցքամարտի պատմության մեջ»,- ասված է հաղորդագրության մեջ։
Բռնցքամարտի պատանիների աշխարհի առաջնությունը մեկնարկել էր նոյեմբերի 24-ին՝ Երևանի «Միկա» մարզահամալիրում
Առաջնությունում Հայաստանը ներկայացնում են 16 բռնցքամարտիկներ՝ Առնո Դարչինյանը (46 կգ), Վաղարշակ Քեյանը (48 կգ), Տիգրան Հովսեփյանը (50 կգ), Արեն Խառատյանը (52 կգ), Վահագն Գալստյանը (54 կգ), Տիգրան Մակիչյանը (57 կգ), Անդրանիկ Մարտիրոսյանը (60 կգ), Ալիկ Կճոյանը (63 կգ), Արգիշտի Հակոբյանը (66 կգ), Սամվել Սիրամարգյանը (70 կգ), Ալբերտ Հարությունյանը (75 կգ), Հայկ Ղահրամանյանը (80 կգ) և Տիգրան Խաչատրյանը (+80 կգ) և աղջիկների պայքարում՝ 48 կգ քաշային Հեղինե Պետրոսյանը, 52 կգ քաշային Քրիստինե Թորոսյանը և 54 կգ քաշային Էլեն Պապյանը:
