Հայ շախմատիստ Լևոն Արոնյանը Grand Chess Tour (GCT) արագ շախմատի Սենթ Լուիսի մրցաշարի (St. Louis Rapid & Blitz) երկրորդ փուլում հասավ հաղթանակի։ Հայ շախմատի առաջատարը խաղում էր սպիտակներով ռուս շախմատիստ Սերգեյ Կարյանի հետ։ Լևոն Արոնյանը հաղթանակ գրանցեց 56 քայլից։
Նա այս տուրում 4 միավորով առաջ է անցել Սերգեյ Կարյանի դեմ խաղում և այժմ (հաղթանակի համար տրվում է 2, ոչ ոքիի համար՝ 1 միավոր) միանձնյա առաջատարն է։
Հիշեցնենք, որ այս մրցաշարի առաջին փուլում Արոնյանը սևերով հաղթանակ էր տարել ֆրանսիացի Մաքսիմ Վաշյե-Լագրավիի դեմ խաղում։
Իսկ երրորդ տուրում նա սև քարերով մրցելու է ադրբեջանցի Շաքրիյար Մամեդյարովի հետ։
Մրցաշարը կավարտվի օգոստոսի 15-ին։ Արագ շախմատը բաղկացած է լինելու 9 տուրից, իսկ այնուհետև անցկացվելու են կայծակնային խաղի 18 տուրերը։
