Հայաստան ժամանած ադրբեջանցի փորձագետների խմբում է նաև Արցախի շրջափակմանը մասնակցած «էկոակտիվիստ» Դիլարա Էֆենդիևան, գրում է Fip.am-ը։
Էֆենդիևան 2022-ի դեկտեմբերին մասնակցել էր այն ժամանակ ՌԴ խաղաղապահ զորքերի վերահսկողության տակ գտնվող Լաչինի միջանցքի շրջափակմանը։
Արցախից հայերի բռնի տեղահանման հիմքը, կարելի է ասել, սկիզբ էր դրվել հենց 2022-ին, այսպես կոչված, «բնապահպանների» ակցիայով, ովքեր, իբր, պայքարում էին «հանքավայրերի ապօրինի շահագործման դեմ»։ 2023-ի ապրիլին, այսպես կոչված, «բնապահպանները» հեռացել էին, նույն տեղում ծառայություն էին սկսել իրականացնել ադրբեջանցի զինծառայողները:
2023-ի ապրիլից Ադրբեջանը փակել էր նաև Հայաստանն Արցախին կապող Հակարի կամուրջը, որը գտնվում է Լաչինի միջանցքում: «Հայաստանն ընդդեմ Ադրբեջանի» հայց էր ներկայացրել ՄԱԿ-ի Արդարադատության միջազգային դատարան՝ Լաչինի միջանցքում ադրբեջանական կողմից անցակետ տեղադրելու վերաբերյալ:
Ադրբեջանի հասարակական կազմակերպությունները, փորձագիտական համայնքների ներկայացուցիչները Երևանում էին 2025-ի հոկտեմբերի 21-22-ը։ Հոկտեմբերի 22-ին նրանց ընդունել էր Անվտանգության խորհրդի քարտուղար Արմեն Գրիգորյանը։
2023 թվականի սեպտեմբերի 19-ին Ադրբեջանը հարձակվել էր Արցախի վրա։ Ռազմական գործողությունների ավարտից հետո Արցախի ամբողջ բնակչությունը բռնի տեղահանվել էր։ Արցախից բռնի տեղահանված 100 632 քաղաքացի էր հասել ՀՀ։
Կարդացեք նաև՝
«Երկու տարի առանց Արցախի». սեպտեմբերի 19-ը հայտարարվել է Բռնի տեղահանության և պահանջատիրության օր
«Մեկ տարի առանց Արցախի». 2023թ․ ադրբեջանական հարձակման և բնիկ հայերի տեղահանության ժամանակագրություն
Բարձր հարկեր և աջակցության բացակայություն. ի՞նչ դժվարություններ ունի արցախյան բիզնեսը
Արցախցիների համար պետական ծրագրերը նվազում են, Սամվել Կարապետյանինը՝ շարունակվում․ «Մեր ձևով» շարժման անդամ
