ՀՀ վարչապետ Նիկոլ Փաշինյանն ու նրա տիկին Աննա Հակոբյանն սկսել են սովորել երաժշտական գործիքներ նվագել, հայտնել է «Հրապարակ»-ը՝ հղում անելով իր աղբյուրներին։
Ըստ թերթի՝ Հակոբյանը կիթառի դասեր է ստանում․ մասնագետն այցելում է կառավարական ամառանոց և նրան սովորեցնում կիթառ նվագել: Փաշինյանը հարվածային գործիքներն է յուրացնում, նշել է լրատվականը։
Ավելի վաղ հայտնել էինք, որ Հակոբյանը սեպտեմբերին կմեկնի Չինաստան` երկամյա մագիստրոսական ծրագրով ուսանելու «Չինական փիլիսոփայություն» Պեկինի մանկավարժական համալսարանում (Beijing Normal University)։
