Ղուկասյանը վերջնականապես կփակի Գյումրիում իշխանազավթում անելու իշխանության ախորժակը․ ԶԼՄ

Իշխանությունները կասկածում են, որ Գյումրու նորընտիր քաղաքապետ Վարդան Ղուկասյանը մտադիր է վերջնականապես զսպել Շիրակի մարզում իշխանությունը զավթելու կառավարության ախորժակը՝ իր կողմը գրավելով քաղաքի ավագանու իշխող կուսակցության երեք անդամի, գրել է «Հրապարակ»-ը՝ հղում անելով իր աղբյուրին։ Ըստ թերթի՝ վարչապետ Նիկոլ Փաշինյանը իշխանության վարկանիշը բարձրացնելու ուղիներ է փնտրում։ «Հնարավոր է՝ առաջիկայում հնչեղ բացահայտումներ արվեն, հատկապես՝ պատերազմի, պարտության, նախկինների վերաբերյալ, քանի որ Գյումրուց հետո ՔՊ-ում հասկացել են, որ ո՛չ ասֆալտի, ո՛չ էլ թոշակների բարձրացման մասին հեքիաթներով մարդիկ չեն խաբվում»,- նշել է թերթը: Ղուկասյանը Գյումրիի քաղաքապետ էր ընտրվել ապրիլի 16-ին։ Գյումրիի ընտրություններին մասնակցող «Իմ հզոր համայնք» կուսակցության և «Մայր Հայաստան» դաշինքի ներկայացուցիչները մարտի 31-ին հայտարարել էին իրենց ձայները Ղուկասյանին տալու որոշման մասին, ինչի արդյունքում իշխող ՔՊ-ն զրկվել էր մեծամասնություն կազմելու հնարավորությունից, քանի որ 50 տոկոսից ավելի ձայներ չէր հավաքել։ Ընտրություններից 6 օր անց՝ ապրիլի 4-ին, իր ձայները Ղուկասյանին տալու մասին էր հայտնել նաև «Մեր քաղաքը» դաշինքի ցուցակը գլխավորող ԱԺ պատգամավոր Մարտուն Գրիգորյանը։