«Հայկական ժամանակը» հրապարակել է GTB հոլդինգի արձագանքը Երասխի գործարանի տեղափոխման մասին լուրերին:
Հարցին, թե ինչպե՞ս կմեկնաբանեք մետաղաձուլական գործարանի տեղափոխման մասին լուրերը, գործարանից պատասխանել են․
«GTB հոլդինգը բազմիցս հայտարարել և տեղեկություններ է տարածել իր կողմից արդեն իսկ իրականացվող և նախատեսվող ներդրումների ու ծրագրերի վերաբերյալ։ Ինչ վերաբերում է մետաղաձուլարանի կառուցմանը, ինչպես արդեն մի քանի անգամ բարձրաձայնվել է, ներդրումներն իրականցվելու են փուլային՝ հաշվի առնելով արտադրական ծավալների աստիճանական աճն ու շուկայական պահանջներից ելնելով՝ տեսականու հնարավոր բազմազանությունը։ Ոչ մի բան չի տեղափոխվել, չի կասեցվել և չի դադարեցվել։ Երասխն անպայման ունենալու է իր շարունակությունը։ Ինչպես ծրագրված ու նախատեսված էր՝ այն արտադրական պրոցեսի ընդամենը փուլերից մեկն է։ Թե ո՞ր փուլը, թույլ տվեք այս պահին չմանրամասնել։ Ամեն ինչ կտեղեկացվի ժամանակին»։
Ըկերությունից նաև հայտնել են, որ այլ վայրերում նույնպես իրականացնում են շինարարական աշխատանքներ։
«Մեր ծրագրերը թեև որոշ չափով գրաֆիկից հետ են ընկել, սակայն իրականացվում են ողջ ծավալով՝ որքանով որ ներում են մեր առկա կարողությունները։ Տարբեր փուլերում և տարբեր ծրագրերում աշխատանքների իրականացումը կախված է մի շարք հանգամանքներից, որոնցից կառանձնացնեինք հատկապես ժամանակային գործոնն ու համապատասխան սարքավորումների ժամանման գրաֆիկը։ Այս կամ այն վայրում իրականացվող աշխատանքների վերաբերյալ ընկերության կողմից որոշումները կայացվում են՝ հիմնականում հաշվի առնելով այդ խնդիրները»,- պատասխանել է ընկերությունը։
Սեպտեմբերի 13-ին ԵՄ մոնիթորինգային առաքելությունը X-ում (նախկին Twitter) հայտնել է Երասխի մետալուրգիական գործարանի ապամոնտաժման մասին։ Նվել է, որ վերջին շաբաթների ընթացքում կանոնավոր պարեկություն է իրականացրել Երասխայի տարածքում՝ վերահսկելու և վերահսկելու մետալուրգիական կոմբինատի ապամոնտաժումը։ Սակայն ավելի ուշ այս գրառումը ջնջվել է, և փոխարենը առաքելությունը հայտնել է, որ պարբերաբար պարեկություն է իրականացնում Երասխի տարածքում, ներառյալ մետալուրգիական կոմբինատը, վերահսկելու անվտանգության և ցանկացած ռազմական գործողություն:
Ադրբեջանի զինված ուժերը պարբերաբար գնդակոծում են Երասխում կառուցվող հայ-ամերիկյան մետալուրգիական գործարանը։ GTB Stell ընկերությունը օգոստոսի 28-ին հայտնել է, որ երեք օրվա ընթացքում ադրբեջանական զինուժը գործարանի ուղղությամբ արձակել է ավելի քան 60 կրակոց։ Ընկերության տվյալներով՝ Ադրբեջանի Զինված ուժերը աննախադեպ ինտենսիվությամբ կրակել են գործարանի տարածքի վրա, այդ թվում՝ բանվորների ժամանակավոր կացարանները զենքի սպառնալիքով։ Armenia Today-ը հունիսի 15-ին այցելել է Երասխի գործարան, որտեղ բանակային կորպուսի հրամանատար Սասուն Բադասյանը խոսել է Ադրբեջանի գնդակոծությունից հետո ստեղծված իրավիճակի մասին։
Դիտեք Armenia Today-ի ռեպորտաժը՝ ինչպես է ապրում սահմանային Երասխը հունիսի 14-ին Ադրբեջանի գնդակոծությունից հետո։
