2021 թվականին Վոլգոգրադի Ձերժինսկի շրջանում կգործի հայկական եկեղեցի:
Աշխատանքներն ինտենսիվ կերպով են ընթանում: Ներքին հարդարման աշխատանքներն արդեն իսկ ավարտին են հասցվում: Եկեղեցու շինարարությամբ զբաղվող պրոֆեսիոնալ քարագործներից 5-ը Հայաստանից են, թիմին միացել է նաև հայտնի քարագործ Դավիթ Լուսիկյանը, ով աշխատել է տարբեր եկեղեցիների կառուցման վրա` Լոս Անջելեսում և Նյու Յորքում: Ներքին հարդարման համար նախատեսված քարը բերվել է Հայաստանից: Եկեղեցու կառուցման աշխատանքներին միացել են նաև կամավորներ: Վերջիններս օգնում են շինարարներին ոչ բարդ աշխատանքներում:
