Իշխող «Քաղաքացիական պայմանագիր» կուսակցության նախընտրական շտաբը կգլխավորի տարածքային կառավարման և ենթակառուցվածքների նախարար Սուրեն Պապիկյանը:
Այս մասին Sputnik-ին տված հարցազրույցում հայտնել է ՀՀ վարչապետի աշխատակազմի ղեկավար Արսեն Թորոսյանը:
«Շտաբի աշխատանքները համակարգելու են չորս հոգի՝ ես, Ռոմանոս Պետրոսյանը, Արայիկ Հարությունյանը և Սուրեն Պապիկյանը: Պապիկյանը կլինի գլխավոր համակարգողը, աշխատակազմի ղեկավարը»,- ասաց Թորոսյանը:
Հիշեցնենք, որ վարչապետ Նիկոլ Փաշինյանը մարտի 18-ին հայտարարեց Ազգային ժողովի արտահերթ ընտրությունների ամսաթիվը։ Ընտրությունները տեղի կունենան 2021 թվականի հունիսի 20-ին:
