Հայ ազգային կոնգրեսի վարչապետի թեկնածուն կուսակցության փոխնախագահ Լևոն Զուրաբյանն է, գրել է «Հրապարակ» օրաթերթը՝ հղում անելով իր աղբյուրներին։
Ըստ թերթի՝ կուսակցությունն ուրբաթ օրը նախատոնական միջոցառում է անցկացնելու, որի ընթացքում կոնգրեսը կհայտարարի 2026թ. խորհրդարանական ընտրություններին մասնակցության ձևաչափի և վարչապետի թեկնածուի մասին։
Թերթը հիշեցրել է, որ կուսակցությունների մասնակցության դեպքում ընտրագրավի չափը 7,5 մլն դրամ է, դաշինքների դեպքում` 15 մլն։ Եթե սրան գումարենք նաև քարոզչության համար անհրաժեշտ գումարները, ապա կստացվի, որ ընտրություններին մասնակցելը թանկ հաճույք է, հավելել է պարբերականը:
Խորհրդարանական ընտրությունները Հայաստանում կայանալու են 2026թ. հունիսին:
