ՀՀ ՆԳՆ-ն հայտնել է ավտոբուսի գույքի դիտավորությամբ վնասման կասկածանքով ուղևորի ձերբակալման մասին՝ վարորդի և ուղևորներից մեկի միջև վիճաբանությունից հետո:
Գերատեսչության մամուլի խոսնակ Նարեկ Սարգսյանն Armenia Today-ին հայտնել է, որ վարորդի և ուղևորի միջև վիճաբանություն է ծագել ուղեվարձի չվճարելու հետ կապված, ինչի ընթացքում մեկ այլ ուղևոր, ըստ նախնական տեղեկությունների, ավտոբուսի ներսի փոքր մուրճով կոտրել է ապակիներից մեկը:
Ըստ խոսնակի՝ միջադեպը տեղի է ունեցել ժամը 21։05-ի սահմաններում՝ Քանաքեռ-Զեյթուն վարչական շրջանում։
Այսօր ավելի քաղաքապետի մամուլի խոսնակ Հայկ Կոստանյանը հայտնել էր, որ Երևանի համար 31 ավտոբուսում տեղի ունեցած միջադեպի ընթացքում ուղևորներից մեկը, վճարման շուրջ ծագած խոսակցության ժամանակ, կոտրել էր ավտոբուսի կողային ապակին։
Նա հավելել էր, որ գույքի վնասման կասկածանքով ձերբակալածը տեղափոխվել է ոստիկանության բաժին։
Երևանցիները բոյկոտում են փետրվարի 1-ից հասարակական տրանսպորտի ուղեվարձի 100 դրամից 150 դրամ թանկացումը։
