Երևանի Էրեբունի վարչական շրջանում ռեստորոնային համալիրներից մեկի մոտ տեղի ունեցած ծեծկռտուքի դեպքից հետո 2 անձ ձերբակալվել է, Armenia Today-ին հայտնել է Քննչական կոմիտեի (ՔԿ) մամուլի խոսնակ Կիմա Ավդալյանը։
Ըստ նրա՝ հարուցվել է քրեական վարույթ ՔՕ 297-րդ հոդվածի 3-րդ մասով (խուլիգանություն, պատժվում է ազատազրկմամբ՝ մինչև 8 տարի ժամկետով) և 167-րդ հոդվածի 2-րդ մասի 7-րդ կետով (մի խումբ անձանց կողմից առողջությանը միջին ծանրության վնաս պատճառելը, պատժվում է ազատազրկմամբ՝ մինչև 5 տարի ժամկետով)։
Ավելի վաղ Shamshyan.com-ը հայտնել էր, որ միջադեպի հետևանքով 5 մարդ ստացել է վնասվածքներ ու դիմել բժշկական կենտրոններ։ Ըստ նրա՝ ռեստորանային համալիրի «կուպեներից» մեկում, որտեղ, ենթադրաբար, սկսվել էր վեճը և փողոցի տարբեր հատվածներում հայտնաբերել էին դանակ, պատառաքաղ, բջջային հեռախոսներ, «բիտա», թմրանյութին նմանվող զանգված և կաթուցիչ։
