Ամերիկայի Միացյալ Նահանգների և Իրանի միջև ռազմական հարվածները ժամանակավորապես դադարեցնելու որոշումից հետո նավթի համաշխարհային գները նվազել են ավելի քան 6%-ով, գրել է Reuters-ը։
Brent տեսակի նավթի ֆյուչերսների գները նվազել է 6,4%-ով՝ հասնելով մեկ բարելի դիմաց 90,58 դոլարի, իսկ ամերիկյան West Texas Intermediate (WTI) տեսակի նավթինը՝ 6,5%-ով՝ կազմելով 83,51 դոլար հաղորդել է լրատվամիջոցը։
Շուկայում նավթի գնանկումը հաջորդել է ՄԱԿ-ում ԱՄՆ մշտական ներկայացուցիչ Մայք Ուոլցի հայտարարությանը, ըստ որի՝ ԱՄՆ նախագահ Դոնալդ Թրամփը որոշել է դադարեցնել հարվածները՝ դիվանագիտական ջանքերին հնարավորություն տալու նպատակով, գրել է պարբերականը։
Հղում անելով Kpler վերլուծական ընկերության տվյալներին լրատվամիջոցը գրել է, որ չնայած ռազմական գործողությունների դադարեցմանը՝ Հորմուզի նեղուցով անցնող նավերի թիվը դեռևս փոքր է, քանի որ փոխադրողները սպասում են անվտանգության լրացուցիչ երաշխիքների։ Իսկ վերլուծաբանները նշում են, որ Մերձավոր Արևելքում և Ռուսաստան-Ուկրաինա հակամարտության գոտում մատակարարման ռիսկերի պահպանման դեպքում նավթի գները կարող են կրկին աճել։
