Ավարտվել են Ռուսաստանի և Բելառուսի զինված ուժերի համատեղ ռազմավարական զորավարժությունները՝ «Զապադ-2025»-ը, գրում է «ՌԻԱ նովոստի»-ն՝ հղում անելով Ռուսաստանի պաշտպանության նախարարությանը։ Զորավարժությունները տեղի են ունեցել սեպտեմբերի 12-16-ը։
ՌԴ նախագահ Վլադիմիր Պուտինն ավելի վաղ հայտարարել էր, որ զորավարժությունների նպատակն է մարզել Ռուսաստանի և Բելառուսի միութենական պետության պաշտպանությունը ցանկացած ագրեսիայից։
41 զորավարժարաններում զորավարժություններին մասնակցել է հարյուր հազար զինծառայող՝ օգտագործելով տասը հազար զենքի համակարգ և ժամանակակից սարքավորումներ, ինչպես նաև ավելի քան 247 նավ։ Հրավիրվել են մասնակցելու ռազմական հրամանատարական մարմինների օպերատիվ խմբեր և ռազմական զորակազմեր ՀԱՊԿ-ի, ՇՀԿ-ի և այլ գործընկեր պետություններից։
Ավելի վաղ Լատվիայի պաշտպանության նախարարությունը հայտարարել էր, որ ռուս-բելառուսական զորավարժություններով պայմանավորված՝ կփակի Ռուսաստանի և Բելառուսի հետ սահմանի մոտ գտնվող օդային տարածքը:
