Սլովակիան զորք չի ուղարկի Ուկրաինա՝ անվտանգության երաշխիքների շրջանակներում, բայց պատրաստ է լոգիստիկ օգնություն ցուցաբերել, հայտարարել է երկրի վարչապետ Ռոբերտ Ֆիցոն, գրում է «ՌԻԱ Նովոստին»։
Նա նշել է, որ Սլովակիան չի մերժի իր տրանսպորտային ենթակառուցվածքները տրամադրել այն երկրներին, որոնք դրա կարիքն ունեն, եթե, ի վերջո, Ուկրաինայի համար անվտանգության երաշխիքի վերաբերյալ համաձայնություններ ձեռք բերվեն։
Ռուսաստանի արտաքին գործերի նախարարությունը հայտարարել էր, որ ՆԱՏՕ-ի անդամ երկրներից Ուկրաինա զորքեր տեղակայելու ցանկացած սցենար կտրականապես անընդունելի է Ռուսաստանի համար և վտանգավոր է լարվածության կտրուկ սրմամբ։
Ավելի վաղ Եվրախորհրդարանի բելգիացի պատգամավոր Ռուդի Քեննեսը հայտարարել էր, որ ԵՄ-ն չի կարողանա զորքեր տեղակայել Ուկրաինայում մի շարք պատճառներով. այնտեղ խաղաղապահ ուժերի տեղակայումը հնարավոր է միայն ՄԱԿ-ի միջոցով։
