Գավառի դատարանը պաշտոնապես լուծել է գործարար և քաղաքական գործիչ Տիգրան Արզաքանցյանի և Նատալյա Ռոտենբերգի ամուսնությունը, հայտնել է 24News-ը։
Հրապարակման համաձայն՝ Ռոտենբերգն ամուսնալուծության հայց է ներկայացրել 2026 թվականի մարտին, սակայն գործընթացը հետաձգվել է ամուսինների միջև բանակցությունների պատճառով։
Հաշտեցման փորձերն անհաջող են անցել, որից հետո դատարանի որոշումը մտել է ուժի մեջ։ Զույգն ամուսնացած էր ութ տարի։
Ավելի վաղ ԶԼՄ-ները հայտնել էին զույգի ամուսնալուծության մտադրության մասին, ինչպես նաև նկատել, որ Ռոտենբերգը վերջին շրջանում համատեղ լուսանկարներ չի հրապարակում։ ԶԼՄ-ները հայտնել էին, որ իրավապահ մարմիններն Արզաքանցյանին արգելել են մոտենալ Ռոտենբերգին՝ վերջինիս կողմից ներկայացված դիմումից հետո, որտեղ նա պնդել է, որ վերջին տարիներին ամուսնու կողմից ենթարկվել է բռնության։
Իր հրապարակած տեսանյութում Արզաքանցյանը հակադարձել էր բռնություն գործադրելու լուրերին՝ հայտարարելով, որ թեև որոշել էր չխոսել այդ թեմայի մասին, սակայն ստացվող բազմաթիվ հարցերի պատճառով որոշել է ներկայացնել իր դիրքորոշումը։ Նա պարզաբանել է, որ կնոջ հետ վիճել է հեռախոսով, հետևաբար ֆիզիկական բռնություն գործադրելն անհնար էր։
