Կառավարությունն ընդլայնել է բնակավայրերի ցանկը, որով արցախցիները պետաջակցությամբ կարող են տուն ձեռք բերել

Հայաստանի կառավարությունը փետրվարի 13-ի նիստում ընդլայնել է քաղաքների և գյուղերի ցանկը, որի շրջանակներում Արցախից տեղահանված անձինք կկարողանան ընտանիքի յուրաքանչյուր անդամի համար 4 մլն դրամ սահմանաչափով բնակարան կամ տուն ձեռք բերել։ Նոր փոփոխությունն արցախցիներին հնարավորություն է տալիս բնակարան ձեռք բերել Հայաստանի 39 համայնքի 443 բնակավայրում։

Աջակցությունը կառավարության՝ Արցախից տեղահանված անձանց բնակարանների ապահովման 2024-ի մայիսին ընդունված պետական ծրագրի շրջանակներում է, որի նպատակն Ադրբեջանի կողմից 2020-ի սեպտեմբերի 27-ին սանձազերծած պատերազմից, ինչպես նաև 2023-ի սեպտեմբերի 19-ից հետո Արցախից բռնի տեղահանված շուրջ 25 000 ընտանիքի ՀՀ-ում բնակարանով ապահովելն է։

Փետրվարի 13-ի նախագծով, եթե հիփոթեքային վարկը տրամադրվել է 2024 թվականի մայիսի 16-ից հետո, ապա աջակացությունն ընտանիքի յուրաքանչյուր անդամի հաշվով կազմում է 3 մլն դրամ։ Եթե շահառու ընտանիքն ընտրում է ծրագրի՝ անհատական բնակելի տան կառուցման տարբերակը, ապա իրացվող հավաստագրի արժեքում ներառվող անհատական բնակելի տան կառուցման համար նախատեսված հողի նկատմամբ մակերեսի սահմանաչափ չի կիրառվում, աջակցությունը սահմանվում է մինչև 4 մլն դրամ՝ 3-ի փոխարեն։

Նախագծով ձեռքբերվող անշարժ գույքի բնակմակերեսի նկատմամբ կիրառվող սահմանաչափն ընտանիքի յուրաքանչյուր անդամի հաշվով նվազեցվում է 3 քմ-ով՝ սահմանելով 9 քմ.։

Ծրագրի՝ գործող հիփոթեքային վարկի մարման աջակցության բաղադրիչից կարող են օգտվել նաև 2024 թվականի մայիսի 16-ից հետո, բայց մինչև 2024 թվականի դեկտեմբերի 31-ը ներառյալ ձևակերպված հիփոթեքային վարկ ունեցողները (այսինքն, գործող հիփոթեքային վարկը կցվում է ծրագրին-խմբ․)։

Նաև հստակեցվում է, որ դիմում-հայտարարության մեջ գրանցված ամուսինների և նրանց անչափահաս երեխաների տվյալների առկայությունը պարտադիր է, իսկ մյուս անդամներինն՝ ըստ իրենց ցանկության․ բացառություն են դեպքերը, երբ ամուսինը կամ երեխան ՆԳՆ-ի կողմից չեն հաշվառվել որպես բռնի տեղահանված կամ հանդիսանում են ԼՂ առանձին շրջաններից տեղահանված ընտանիքների համար բնակարանային մատչելիության ապահովման պետական աջակցության ծրագրի շահառու։

Կառավարության փետրվարի 13-ին հրապարակված նախագծով ծրագրի 2-րդ (2 երեխա ունեցող ընտանիքների համար) և 3-րդ փուլերը (1 երեխա ունեցող ընտանիքների համար) կմեկնարկեն 2025 և 2026 թվականների հուլիսի 1-ից՝ 2026-ի և 2027-ի հունվարի 1-ի փոխարեն։

Արցախցիները կարող են բնակարան կամ տուն ձեռք բերել հետևյալ համայքներում՝

Արագածոտնի մարզի Թալին համայնք (Ագարակավան, Ակունք, Աշնակ, Արագածավան, Արտենի, Գառնահովիտ, Գետափ, Դաշտադեմ, Դավթաշեն, Դիան, Եղնիկ, Զարինջա Զովասար, Թաթուլ , Իրինդ, Լուսակն, Ծաղկասար, Կաթնաղբյուր, Կարմրաշեն, Կաքավաձոր, Հացաշեն, Ձորագյուղ, Մաստարա, Ներքին Բազմաբերդ, Ներքին Սասնաշեն, Նոր Արթիկ, Շղարշիկ, Ոսկեթաս, Պարտիզակ, Սուսեր, Վերին Բազմաբերդ, Վերին Սասնաշեն, Ցամաքասար գյուղեր)։

Արագածոտնի մարզի Ծաղկահովիտ համայնք (Ծաղկահովիտ, Բերքառատ Գեղադիր, Գեղաձոր,Գեղարոտ, Լեռնապար, Ծիլքար, Հնաբերդ, Նորաշեն, Վարդաբլուր գյուղեր):

Գեղարքունիքի մարզի Մարտունի համայնքի Մարտունի համայնք (Մարտունի քաղաք, Աստղաձոր, Արծվանիստ, Գեղհովիտ, Երանոս
Զոլաքար, Լեռնակերտ, Լիճք, Ծակքար, Ծովասար, Ծովինար, Ձորագյուղ, Մադինա, Ներքին Գետաշեն, Նշխարք, Վաղաշեն, Վարդաձոր, Վարդենիկ, Վերին Գետաշեն գյուղեր)։

Գեղարքունիքի մարզի Գավառ համայնք (Գավառ քաղաք, Բերդկունք, Գանձակ, Գեղարքունիք, Լանջաղբյուր, Լճափ, Ծաղկաշեն, Ծովազարդ, Կարմիրգյուղ, Հայրավանք, Նորատուս, Սարուխան գյուղեր)։

Գեղարքունիքի մարզի Սևան համայնք (Սևան քաղաք, Գագարին, Գեղամավան, Դդմաշեն, Զովաբեր, Լճաշեն, Ծաղկունք, Ծովագյուղ, Նորաշեն, Չկալովկա, Սեմյոնովկա, Վարսեր գյուղեր):

Գեղարքունիք մարզի Ճամբարակ համայնք (Դրախտիկ, Շողակաթ գյուղեր)։

Գեղարքունիք մարզի Վարդենիս համայնք (Վարդենիս քաղաք, Ակունք, Լճավան, Գեղաքար, Լուսակունք, Խաչաղբյուր, Ծովակ, Կարճաղբյուր, Մեծ Մասրիկ, Նորակերտ, Վանեվան, Տորֆավան, Փոքր Մասրիկ):

Լոռու մարզի Վանաձոր համայնք (Վանաձոր քաղաք, Գուգարք, Դարպաս, Շահումյան գյուղեր)։

Լոռու մարզի Ալավերդի համայնք (Ալավերդի, Ախթալա, Շամլուղ քաղաքներ, Ախթալա, Ակներ, Ամոջ, Այգեհատ, Արդվի, Արևածագ, Աքորի, Բենդիկ, Թեղուտ,
Ծաթեր, Ծաղկաշատ, Կաճաճկուտ, Կարմիր Աղեկ, Հագվի, Հաղպատ, Ճոճկան, Մեծ Այրում, Մղարթ, Նեղոց, Շնող, Ջիլիզա, Փոքր Այրում, Քարկոփ, Օձուն գյուղեր):

Լոռու մարզի Տաշիր համայնքի Տաշիր քաղաք, գյուղեր՝ Ապավեն, Արծնի Բլագոդարնոյե, Գետավան, Գոգավան, Դաշտադեմ, Լեռնահովիտ, Կաթնառատ, Կրուգլայա շիշկա, Ձյունաշող, Ձորամուտ, Մեդովկա, Մեծավան, Մեղվահովիտ, Միխայլովկա, Նովոսելցովո, Նորամուտ, Նորաշեն, Պաղաղբյուր, Պետրովկա, Պրիվոլնոյե, Սարատովկա, Սարչապետ:

Լոռու մարզի Թումանյան համայնքի Թումանյան քաղաք, գյուղեր՝ Աթան, Ահնիձոր, Դսեղ, Լորուտ, Մարց, Շամուտ, Չկալով, Քարինջ, Քոբայր:

Սպիտակ համայնքի Սպիտակ քաղաք, գյուղեր` Արջհովիտ, Արևաշող, Գեղասար, Գոգարան, Լեռնանցք, Լեռնավան, Լուսաղբյուր, Խնկոյան, Ծաղկաբեր, Կաթնաջուր, Հարթագյուղ, Մեծ Պարնի, Նոր Խաչակապ, Շենավան, Շիրակամուտ, Ջրաշեն, Սարալանջ, Սարահարթ, Սարամեջ, Քարաձոր։

Ստեփանավան համայնքի Ստեփանավան քաղաք, գյուղեր` Արմանիս, Կաթնաղբյուր, Ուրասար

Գյուլագարակ համայնքի գյուղեր` Գյուլագարակ, Ամրակից, Գարգառ, Կուրթան, Հոբարձի, Պուշկինո, Վարդաբլուր։

Լոռի Բերդ համայնքի Լոռի Բերդ, Ագարակ, Բովաձոր, Լեջան, Կողես, Հովնանաձոր, Յաղդան, Սվերդլով, Ուռուտ։

Փամբակ համայնքի գյուղեր` Փամբակ, Ազնվաձոր, Անտառամուտ, Արջուտ, Բազում, Գուշար, Դեբեդ, Եղեգնուտ, Ժամատուն, Լեռնապատ, Լեռնաջուր, Ծաղկոց, Մարգահովիտ, Ձորագետ, Ձորագյուղ, Վահագնաձոր, Վահագնի, Քարաբերդ։

Կոտայքի մարզի Հրազդան համայնքի Հրազդան քաղաք, գյուղեր`Լեռնանիստ, Ջրառատ, Սոլակ, Քաղսի։

Շիրակ մարզի Գյումրի քաղաք

Արթիկ համայնքի Արթիկ քաղաք, գյուղեր` Անուշավան, Արևշատ, Գեղանիստ, Գետափ, Լեռնակերտ գյուղ
Լուսակերտ, Հայկասար, Հայրենյաց, Հառիճ, Հոռոմ, Հովտաշեն, Մեծ Մանթաշ, Մեղրաշեն, Նահապետավան, Նոր Կյանք, Պեմզաշեն, Սարալանջ, Սարատակ, Սպանդարյան, Վարդաքար, Տուֆաշեն, Փանիկ, Փոքր Մանթաշ։

Անի համայնքի Մարալիկ քաղաք , գյուղեր` Աղին, Անիավան, Անիպեմզա, Բագրավան, Բարձրաշեն, Գուսանագյուղ, Իսահակյան, Լանջիկ, Լուսաղբյուր, Հայկաձոր, Ձիթհանքով, Ձորակապ, Շիրակավան, Նորշեն, Ջրափի, Սառնաղբյուր, Սարակապ, Քարաբերդ։

Ախուրյան համայնքի գյուղեր` Ախուրյան, Ազատան, Ախուրիկ, Ախուրյան կայարանի, Այգաբաց, Առափի, Արևիկ, Բայանդուր, Բասեն, Բենիամին, Գետք, Երազգավորս, Լեռնուտ, Կամո, Կապս, Կառնուտ, Կարմրաքար, Կրաշեն, Հայկավան,Հացիկ, Հացիկավան, Հովիտ, Հովունի, Ղարիբջանյան, այիսյան, Մարմաշեն, Մեծ Սարիար, Շիրակ, Ոսկեհասկ, Ջաջուռ, Ջաջուռավան, Ջրառատ, Վահրամաբերդ, Փոքրաշեն, Քեթի։

Ամասիա համայնքի գյուղեր` Ամասիա, Ալվար, Աղվորիկ, Արավետ, Արդենիս, Արեգնադեմ, Բանդիվան, Բերդաշեն, Բյուրակն, Գառնառիճ, Գտաշեն, Դարիկ, Եղնաջուր, Երիզակ, Զարիշատ, Զորակերտ, Լորասար, Ծաղկուտ, Կամխուտ, Հողմիկ, Հովտուն, Մեղրաշատ, Շաղիկ, Ողջի, Պաղակն գյուղ, Ջրաձոր

Սյունիքի մարզի Կապան համայնքի Կապան քաղաք

Մեղրի համայնքի Մեղրի և Ագարակ քաղաքներ

Սիսիան համայնքի Սիսիան քաղաք

Քաջարան համայնքի Քաջարան քաղաք

Վայոց Ձոր մարզի Եղեգնաձոր համայնքի Եղեգնաձոր քաղաք, գյուղեր` Գետափ, Գլաձոր, Մալիշկա, Վերնաշեն։

Ջերմուկ համայնքի Ջերմուկ քաղաք, գյուղեր` Գնդեվազ և Կեչուտ։

Վայք համայնքի Վայք քաղաք, գյուղեր` Արին, Զեդեա, Կարմրաշեն, Հերհեր։

Արենի համայնքի գյուղեր`Արենի, Ագարակաձոր, Աղավնաձոր, Արփի, Մոզրով։

Եղեգիս համայնքի գյուղեր` Աղնջաձոր, Արատես, Արտաբույնք, Գետիկվանք, Գողթանիկ, Եղեգիս, Թառաթումբ, Կալասար, Հերմոն, Հորբատեղ, Հորս, Շատին, Սալլի, Սևաժայռ, Վարդահովիտ, Քարագլուխ։

Տավուշ մարզի Իջևան համայնքի Իջևան քաղաք, գյուղեր` Գանձաքար, Գետահովիտ, Ենոքավան

Դիլիջան համայնքի Դիլիջան քաղաք, գյուղեր` Հաղարծին, Թեղուտ, Գոշ, Աղավնավանք, Հովք, Խաչարձան, Ճերմակավան, Գեղատափ

Նոյեմբերյան համայնքի Նոյեմբերյան և Այրում քաղաքներ, գյուղեր` Արճիս, Բագրատաշեն, Դեբեդավան, Դեղձավան, Զորական, Լճկաձոր, Հաղթանակ, Պտղավան

Աջակցության չափը կախված է նրանից, թե ծրագրի մասնակիցը Հայաստանի ո՞ր բնակավայրում է մտադիր բնակարան գնել կամ տուն կառուցել: Այս մասին Armenia Today-ն առավել մանրամասն պատմել է 2024-ի մայիսի 16-ին պատրաստած ուղեցույցում։ 

«Լեռնային Ղարաբաղից բռնի տեղահանված ընտանիքների բնակարանային ապահովման պետական աջակցության ծրագրի» շրջանակներում ՀՀ կառավարությունը 2024-ի հունիսի 14-ի նիստում հաստատել էր արցախցիներին բնակարանի գնման հավաստագրեր տրամադրելու կարգը։

2024-ի դեկտեմբերին կառավարության որոշմամբ երկարացվել էր ծրագրի առաջին փուլի դիմումների ներկայացման վերջնաժամկետը՝ 2024-ի դեկտեմբերի 30-ի փոխարեն սահմանելով մինչև 2025 թվականի դեկտեմբերի 31-ը։

Ծրագրից օգտվելու համար փաստաթղթերի քայլ առ քայլ ներկայացման մասին ընթերցեք Armenia Today-ի ուղեցույցում։