Ավարտվել են հանրապետական բժշկական կենտրոնում ծննդատան համար նախատեսված նոր մասնաշենքի շինարարական աշխատանքները: Այս մասին հայտնում է Արցախի քաղաքաշինության նախարարությունը:
Ստեփանակերտի «Մոր և մանկան առողջության պահպանման կենտրոն» ՓԲԸ-ի՝ պատերազմի հետևանքով վնասված նոր մասնաշենքի վերակառուցման շինաշխատանքներն ավարտվել են։
Շենքի վերականգնման աշխատանքներին մասնակցում էր 4 շինարարական կազմակերպություն՝ «Պանտ» ՍՊԸ, «Բլարգ» ՍՊԸ, «Արմեն Շին» ՍՊԸ և «Ալեք Շին» ՍՊԸ։
Շինարարությունն իրականացվել է պետական բյուջեի միջոցներով։
Շինարարական աշխատանքների որակի հսկողությունն իրականացվել է ԱՀ քաղաքաշինության նախարարության կապիտալ շինարարության վարչության տեխնիկական հսկողության մասնագետների կողմից։
