ՌԴ նախագահի մամուլի քարտուղար Դմիտրի Պեսկովը հաստատել է, որ Վլադիմիր Պուտինի, Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի եռակողմ հանդիպումն արդեն նախապատրաստվում է, գագաթնաժողովի անցկացման ամսաթվի և վայրի մասին տեղեկատվությունը կլինի ավելի ուշ:
«Գագաթնաժողովը նախապատրաստվում է։ Ամսաթվի և վայրի մասին կտեղեկացնենք լրացուցիչ», - ասել է Պեսկովը «Интерфакс»-ին։
Պուտինը հանդես է եկել ՌԴ-Ադրբեջան-Հայաստան եռակողմ գագաթնաժողով անցկացնելու նախաձեռնությամբ՝ հոկտեմբերի կեսերին ելույթ ունենալով Աստանայում ԱՊՀ գագաթնաժողովում: Նա նշել է, որ «այժմ շահագրգռվածություն կա, և Ադրբեջանի և Հայաստանի առաջնորդներին առաջարկել է «ցանկացած պահի Ռուսաստանում հանդիպել ցանկացած վայրում՝ Սոչիում, Պետերբուրգում, Մոսկվայում»:
Այն մասին, որ Ալիևին և Փաշինյանին Ռուսաստանի նախագահից նման հանդիպման հրավեր է ստացվել, երկուշաբթի հայտնել է ՌԴ ԱԳՆ պաշտոնական ներկայացուցիչ Մարիա Զախարովան։ Նրա խոսքով՝ այդ հանդիպմանը «նախատեսվում է քննարկել եռակողմ և երկկողմ հարցերի ամբողջ համալիրը»։
