Վրաստանի խորհրդարանը քննարկում է օրենսդրական փոփոխություններ, որոնցով նախատեսվում է սահմանել օտարերկրյա քաղաքացիների ընդունելության քվոտաներ և խստացնել հատկապես լեզվի իմացության պայմանները, հայտնում է Sputnik Грузия-ն։
Փոփոխություններով նախատեսվում է, որ օտարերկրացիները կկարողանան ընդունվել միայն պետական հավատարմագրում ունեցող բուհեր և մասնագիտական ուսումնական հաստատություններ։ Դա նրանց հնարավորություն կտա օրինական հիմունքներով գտնվել երկրում և ուսման նպատակով կացության թույլտվություն ստանալ։
Միաժամանակ, երկրի բուհերը պարտավոր կլինեն հաշվառում վարել բոլոր օտարերկրյա ուսանողների և նրանց առաջադիմության վերաբերյալ։
Արտերկրում դպրոց ավարտած օտարերկրացիների համար առանց քննությունների ընդունվելու իրավունքը կպահպանվի, սակայն հուլիսի 1-ից նրանք ընդունվելիս պարտավոր կլինեն հաստատել վրացերենի իմացությունը։
