Եվրամիությունը վիզաների ազատականացման գործողությունների ծրագիր է ներկայացրել Երևանին, հայտնում է Հայաստանի ներքին գործերի նախարարությունը։
Նոյեմբերի 5-6-ը Հայաստանում գտնվող Եվրոպական հանձնաժողովի Միգրացիայի և ներքին գործերի գլխավոր տնօրենի տեղակալ Յոհաննես Լուխները ՆԳ նախարար Արփինե Սարգսյանի հետ հանդիպման ժամանակ փաստաթուղթը ներկայացրել է հայկական կողմին։
Սարգսյանը նշել է, որ վիզաների ազատականացումը Հայաստան-ԵՄ գործընկերության կարևոր փուլ է, որն ուղղված է վստահության և համագործակցության ամրապնդմանը։ Նա նշել է, որ գործողությունների ծրագիրը դիտվում է որպես քաղաքացիների շարժունակության և հանրային անվտանգության ոլորտներում բարեփոխումների ռազմավարական փաստաթուղթ։
Եվրոպացի պաշտոնյան բարձր է գնահատել Հայաստանի ջանքերն այս ուղղությամբ։
2024 թվականի հուլիսի 22-ին ԵՄ խորհուրդը հաստատել էր Հայաստանի հետ վիզային ռեժիմի ազատականացման շուրջ երկխոսություն սկսելու մտադրությունը, բանակցությունները պաշտոնապես մեկնարկել էին Երևանում՝ նախորդ տարվա դեկտեմբերին։
