Երևանի քաղաքապետարանի մամուլի քարտուղարը, անդրադառնալով քաղաքապետարանի աշխատակիցների բարձր պարգևավճարների մասին քննարկումներին, նշում է, որ եռամսյակային պարգևատրման այս գործընթացը օրինական բնույթ ունի և նախասահմանված է քաղաքապետարանի տարեկան բյուջետային ծրագրով։
Նախօրեին հայ մամուլում հրապարակումներ են կատարվել Երևանի քաղաքապետարանի աշխատակիցների բարձր պարգևատրումների մասին։
hraparak.am-ը մասնավորապես գրում է․
«Երևանի քաղաքապետ Հայկ Մարությանը հերթական ճոխ պարգևատրումներն է հատկացրել քաղաքապետարանի աշխատակիցներին»
Այսպիսով հոկտեմբերի 9-ին քաղաքապետ Հայկ Մարությանի կարգադրությամբ ավելի քան 60 մլն դրամի հասնող պարգևավճարներ են հատկացվել 120 աշխատակիցների։
Ամենաբարձր պարգևավճարները տրվել են քաղաքապետի տեղակալներին։
hraparak.am-ը նշում է, որ նման բարձր պարգևավճարներ սույն տարվա ընթացքում արդեն իսկ երրորդ անգան են տրվում քաղաքապետարանի աշխատակիցներին։
Ըստ Երևանի քաղաքապետի՝ 2019թ-ի Հ․921-Ա որոշման Երևանի քաղաքապետի տեղակալները պարգևատրվել են 965 հազ դրամի հասնող պարգևավճարներով։
Քննադատակ այց լուրերին ի պատասխան Երևանի քաղաքապետարանի մամուլի խոսնակ Հակոբ Կարապետյանը ֆեյսբուքյան իր էջում գրում է․
«Մամուլի որոշ ներկայացուցիչներ կրկին փորձում են շահարկել պարգևավճարների հարցը համապատասխան շեշտադրումներով: Առիթը. քաղաքապետարանը հրապարակել է եռամսյակային պարգևավճարները: Հրապարակել է, ինչպես նախորդ եռամսյակներին»։
Մամուլի խոսնակը նշում է, որ պարգևավճարները միանգամայն օրինական են, դրանց տրամադրումը նախատեսված է Երևանի տարեկան բյուջեով։
Նա հավելում է, որ այդ եկամուտը պետք է բաժանել երեք ամսվա վրա, որովհետև պարգևատրման տվյալները տրվում են եռամսյակային հաշվարկմամբ։
Մամուլի քարտուղարը քննադատել է որոշ լրատվական ընկերությունների՝ ապատեղեկատվություն տարածելու առնչությամբ, որոնց թվում՝ News.am-ը և Analitik.am-ը։
