Վինսենթ վան Գոգի «Փարիզյան վեպեր և վարդերի կույտեր բաժակի մեջ» նկարը Նյու Յորքի Sotheby's աճուրդում վաճառվել է գրեթե 63 մլն դոլարով, հայտնում է NL Times-ը։
Աճուրդի տան կայքի համաձայն՝ 1887 թվականի նկարի իսկությունը հաստատել են Ամստերդամի Վան Գոգի թանգարանի մասնագետները։ Գնորդն արվեստաբան Փեթի Վոնգն էր։ Նկարի վերջնական գինը մոտ 35%-ով գերազանցել է նախնական գնահատականը։
Վան Գոգի «Փարիզյան վեպեր և վարդերի կույտեր բաժակի մեջ» ստեղծագործությունը թվագրվում է այն ժամանակաշրջանին, երբ նկարիչն ապրել էր եղբոր՝ Թեոյի հետ և խորապես ազդվել ֆրանսիական արվեստից։ Նկարում պատկերված են գրքերի կույտեր սեղանի վրա և վարդերով լի բաժակ։
Նույն աճուրդում տեղի է ունեցել մեկ այլ խոշոր վաճառք. Ֆրիդա Կալոյի El sueno (La cama, Քուն Մահճակալ) նկարը վաճառվել է 55 մլն դոլարով, ինչն աճուրդի պատմության մեջ կին նկարչի ամենաթանկ աշխատանքն է։
Առանձին, Sotheby's-ի մեկ այլ աճուրդում Վան Գոգի Le Semeur dans un champ de bl au soleil couchant («Սերմնացանը ցորենի դաշտում մայրամուտին») նկարը վաճառվել է 11,2 մլն դոլարով։ Սա ռեկորդային գին է միայն գրիչով և թանաքով ստեղծված աշխատանքի համար։
